‘ఆర్.ఆర్.ఆర్’ విషయంలో ఎన్టీఆర్ ప్లానింగ్ వేరేలా ఉందట..!

ప్రస్తుతం రాజమౌళి డైరెక్షన్లో ‘ఆర్.ఆర్.ఆర్’ వంటి భారీ మల్టీ స్టారర్ చిత్రంలో నటిస్తున్నాడు ఎన్టీఆర్. రాంచరణ్ మరో హీరోగా నటిస్తున్న ఈ చిత్రం షూటింగ్ శరవేగంగా జరుగుతుంది. ఇప్పటికే ఈ చిత్రం 80 శాతం షూటింగ్ కంప్లీట్ అయినట్టు తెలుస్తుంది. ఇటీవల ఎన్టీఆర్ ‘కొమరం భీం’ పాత్రకు సంబందించిన కొన్ని సన్నివేశాలను వైజాగ్ లో చిత్రీకరించారు. ఈ చిత్రంలో చరణ్ సరసన హీరోయిన్ గా నటిస్తోన్న ఆలియా భట్ పాత్రకు సంబందించిన షూటింగ్ పార్ట్ కూడా పూర్తయ్యిందట.

ఇదిలా ఉండగా.. ఎప్పుడూ తన ఓ సినిమా చేస్తున్నప్పుడే.. తన తరువాత చేయబోయే సినిమా దర్శకుడిని కూడా ఓకే చేసేస్తుంటాడు ఎన్టీఆర్. కానీ ఈసారి మాత్రం ఎన్టీఆర్ డెసిషన్ వేరేలా ఉందట. ‘ఆర్.ఆర్.ఆర్’ చిత్రం పూర్తయ్యే వరకూ మరో సినిమాని ఓకే చెయ్యను అని కాస్త సీరియస్ గానే చెబుతున్నాడట. ఇప్పటికే ఎన్టీఆర్ తో సినిమా చెయ్యాలి అని తమిళ దర్శకుడు అట్లీ, కె.జి.ఎఫ్ ఫేమ్ ప్రశాంత్ నీల్, కొరటాల శివ, త్రివిక్రమ్ లు స్క్రిప్ట్ లు రెడీ చేసుకుని రెడీ గా ఉన్నారు. ‘ఆర్.ఆర్.ఆర్’ చిత్రం షూటింగ్ 2020 ఫిబ్రవరికి పూర్తయ్యే ఛాన్స్ ఉంది కాబట్టి.. మొదట త్రివిక్రమ్ తో సినిమా చేసే ఛాన్స్ ఎక్కువగా ఉందని ఎన్టీఆర్ సన్నిహితులు చెబుతున్నారు. ఇక ‘ఆర్.ఆర్.ఆర్’ చిత్రం 2020 జూలై 30 కే విడుదలయ్యే అవకాశాలు కూడా ఉన్నాయనేది ఇండస్ట్రీ టాక్.

రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!