Jr NTR: దేవర నుంచి ఎన్టీఆర్ స్టిల్ రిలీజ్.. లుక్ అదిరిపోయిందిగా!

యంగ్ టైగర్ జూనియర్ ఎన్టీఆర్ (Jr NTR)  ప్రస్తుతం దేవర (Devara)  సినిమాలో నటిస్తుండగా ఈ సినిమా షూటింగ్ ఏప్రిల్ చివరి వారం సమయానికి పూర్తి కానుందని తెలుస్తోంది. గోవాలో ప్రస్తుతం ఈ సినిమాకు సంబంధించిన కీలకమైన సీన్లతో పాటు సాంగ్స్ కూడా షూట్ చేస్తున్నారని భోగట్టా. దేవర నుంచి తాజాగా ఒక వీడియో లీక్ కాగా వైరల్ అయిన వీడియోలో జూనియర్ ఎన్టీఆర్ మాస్ లుక్ బాగుందని ఫ్యాన్స్ కామెంట్లు చేస్తున్నారు. మరోవైపు తారక్ కూల్ గా ఉన్న లుక్ ను సైతం మేకర్స్ రిలీజ్ చేశారు.

ఈ లుక్ లో తారక్ సింపుల్ గా ఉంటూనే పవర్ ఫుల్ గా కనిపించారు. తారక్ కొత్త లుక్ అదిరిపోయిందిగా అంటూ అభిమానులు సోషల్ మీడియా వేదికగా కామెంట్లు చేస్తున్నారు. దేవర సినిమా ఎన్టీఆర్ ఫ్యాన్స్ ను కచ్చితంగా ఆకట్టుకుంటుందని మేకర్స్ ఫీలవుతున్నారు. త్వరలో ఈ సినిమా నుంచి మరిన్ని అప్ డేట్స్ రానున్నాయని తెలుస్తోంది. దేవర సినిమాలో సాంగ్స్ సైతం స్పెషల్ గా ఉండనున్నాయని సమాచారం అందుతోంది.

దేవర సినిమాలో యాక్షన్ సీన్స్ విషయంలో మేకర్స్ ఎన్నో జాగ్రత్తలు తీసుకున్నారని తెలుస్తోంది. జూనియర్ ఎన్టీఆర్ పుట్టినరోజుకు మరో రెండు నెలల సమయం ఉండగా ఆరోజు ఈ సినిమా నుంచి టీజర్ విడుదలవుతుందో లేక ఫస్ట్ సింగిల్ విడుదలవుతుందో తెలియాల్సి ఉంది. జూనియర్ ఎన్టీఆర్ సోషల్ మీడియాలో మరింత యాక్టివ్ కావాలని ఫ్యాన్స్ కోరుకుంటున్నారు.

దేవర సినిమా 2024 సంవత్సరం అక్టోబర్ 10వ తేదీన థియేటర్లలో విడుదల కానుంది. ఓటీటీ రైట్స్ ద్వారానే ఈ సినిమా సగం బడ్జెట్ రికవరీ అయింది. దేవర సినిమా తనకు స్పెషల్ మూవీ అవుతుందని జాన్వీ కపూర్ (Janhvi Kapoor) నమ్ముతున్నారు. కంటెంట్ బేస్డ్ సినిమాలకు జాన్వీ కపూర్ ప్రాధాన్యత ఇస్తున్నారు. ఎన్టీఆర్ ఈ సినిమా తర్వాత సినిమాల విషయంలో మరింత వేగం పెంచనున్నారు.

ఓం భీమ్ బుష్ సెన్సార్ రివ్యూ!

విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?