Jr NTR: ఎన్టీఆర్ శత జయంతి వేడుకలకు ఎన్టీఆర్ ఎందుకు హాజరుకావడం లేదు?

May 20, 2023 / 04:15 PM ISTByFilmy Focus

Join Us

Jr NTR: ఎన్టీఆర్ శత జయంతి వేడుకలకు ఎన్టీఆర్ ఎందుకు హాజరుకావడం లేదు?

దివంగత ఉమ్మడి ఆంధ్రప్రదేశ్ ముఖ్యమంత్రి, స్టార్ హీరో అయిన నందమూరి తారక రామారావు శత జయంతి ఉత్సవాలు ప్రపంచ వ్యాప్తంగా నిర్వహిస్తున్న సంగతి తెలిసిందే. దీని కోసం విజయవాడలో భారీ సభను ఏర్పాటు చేసి అక్కడికి రజినీకాంత్ వంటి గొప్ప వ్యక్తులను తీసుకొచ్చారు బాలయ్య. మే 20 న అంటే ఈరోజు.. హైదరాబాద్‌ కేపీహెచ్‌బీలోని కైతలాపూర్ గ్రౌండ్స్‌లో సాయంత్రం 5 గంటల నుండి శత జయంతి ఉత్సవాలు ఘనంగా జరగనున్నాయి.

ఈ వేడుకకు నందమూరి బాలకృష్ణ … పవన్ కళ్యాణ్, ప్రభాస్, రామ్ చరణ్, అల్లు అర్జున్, వెంకటేష్, శివ రాజ్‌కుమార్‌తో పాటు జూనియర్ ఎన్టీఆర్ ను కూడా ఆహ్వానించడం జరిగింది. అయితే ఈ వేడుకకు ఎన్టీఆర్ హాజరు కాలేకపోతున్నట్లు సమాచారం. జూ.ఎన్టీఆర్ కూడా ఈ వేడుకకు హాజరవుతాడు అని అటు అభిమానులు.. ఇటు నందమూరి కుటుంబ సభ్యులు భావించారు. కానీ ఈరోజు అతని పుట్టిన రోజు. అందువల్ల ఫ్యామిలీతో ఆయనకి కమిట్‌మెంట్స్ ఉన్నాయి.

40వ పుట్టినరోజు వేడుకలు జరుపుకుంటున్న సందర్భంగా మాత్రమే (Jr NTR) ఎన్టీఆర్ ఈ వేడుకకు హాజరుకావడం లేదని స్పష్టమవుతుంది.ఈ వేడుకకు రావడం కుదరదు అని ఎన్టీఆర్ ముందుగానే చెప్పారు. కానీ వస్తున్నట్టు ప్రచారం ఎక్కువ జరిగింది. ఆర్గనైజింగ్ కమిటీ ఈ విషయంలో ఎక్కడ తప్పు చేసిందో తెలీదు. కానీ జూ.ఎన్టీఆర్ తప్పైతే లేదు అని తెలుస్తుంది. పవన్ కళ్యాణ్, విజయ్ దేవరకొండ, రాంచరణ్ వంటి స్టార్ హీరోలు తప్పకుండా ఈ వేడుకకు హాజరవుతున్నట్టు తెలుస్తుంది.