చిరంజీవిపై సంచలన కామెంట్స్ చేసిన కైకాల సత్యనారాయణ

సీనియర్ నటుడు కైకాల సత్యనారాయణ చిరంజీవిపై సంచలన కామెంట్స్ చేసి మరో సారి వార్తల్లో నిలిచారు. చిరంజీవి కంటే బాలకృష్ణ చాలా బెటర్ అంటూ నిర్మొహమాటంగా మాట్లాడి టాక్ ఆఫ్ ది టాలీవుడ్ అయ్యారు. ఈయన తొలి తరం హీరోలు ఎన్టీఆర్, ఏఎన్నార్ లతో పాటు చిరు, బాలయ్యలతో కూడా పనిచేశారు. సత్యనారాయణ రీసెంట్ గా ఓ ఛానల్ కి ఇచ్చిన ఇంటర్వ్యూ లో “మీరు ఖైదీ నంబర్ 150 చూసారా?” అని  విలేకరి అడిగిన ప్రశ్నకు సమాధానమిస్తూ ” చూడలేదు. ఖైదీ నంబర్ 150 చిత్రం ప్రీమియర్ షోకి నన్ను చిరంజీవి పిలవలేదు.

అతనికంటే బాలకృష్ణ బెటర్. చెన్నైలోని సీనియర్ నటులందరికీ గౌతమి పుత్ర శాతకర్ణి ప్రీమియర్ షో వేయించారు. స్వయంగా నన్ను బాలకృష్ణ షో కి రమ్మని ఆహ్వానించారు” అని చెప్పారు. తెలుగు చిత్ర పరిశ్రమ సీనియర్ నటులకు ప్రీమియర్ షో లు వేయాలనే సంప్రదాయాన్ని పూర్తిగా వదులుకుంటోందని సత్యనారాయణ ఆరోపించారు. ఈయన మాటలకు టాలీవుడ్ పెద్దలు, మెగాస్టార్ యేమని సమాధానం ఇస్తారో చూడాలి.

Also, do SUBSCRIBE to our YouTube channel to get latest Tollywood updates.