Kajal: బాలీవుడ్ పరువు తీసిన కాజల్ అగర్వాల్.. ఏం చెప్పారంటే?

March 31, 2023 / 05:42 PM ISTByFilmy Focus

Join Us

Kajal: బాలీవుడ్ పరువు తీసిన కాజల్ అగర్వాల్.. ఏం చెప్పారంటే?

టాలీవుడ్ ఇండస్ట్రీలో కాజల్ అగర్వాల్ మళ్లీ వరుస ఆఫర్లతో బిజీ అవుతున్న సంగతి తెలిసిందే. బాలీవుడ్ ఇండస్ట్రీ గురించి కాజల్ అగర్వాల్ షాకింగ్ కామెంట్లు చేయగా ఆ కామెంట్స్ వైరల్ అవుతున్నాయి. నేను ముంబై అమ్మాయినని ముంబైలోనే పుట్టి పెరిగానని కాజల్ తెలిపారు. అయితే నా కెరీర్ మొదలైంది మాత్రం హైదరాబాద్ లోనే అని ఆమె చెప్పుకొచ్చారు. తెలుగు, తమిళ సినిమాలలో నేను ఎక్కువగా నటించానని కాజల్ వెల్లడించారు. బాలీవుడ్ ఇండస్ట్రీలో నేను కొన్ని సినిమాలు చేశానని అయినప్పటికీ చెన్నై, హైదరాబాద్ నగరాలను నివాసంగా భావిస్తానని కాజల్ పేర్కొన్నారు.

అది ఎప్పటికీ మారదని ఆమె చెప్పుకొచ్చారు. సౌత్ సినీ ఇండస్ట్రీలో స్నేహ పూర్వక వాతావరణం ఉంటుందని కాజల్ అగర్వాల్ అభిప్రాయం వ్యక్తం చేయడం గమనార్హం. ప్రతిభ ఉంటే ఎవరినైనా ప్రేక్షకులు ఆదరించడం జరుగుతుందని కాజల్ అగర్వాల్ చెప్పుకొచ్చారు. దక్షిణాది సినీ పరిశ్రమలో అద్భుతమైన డైరెక్టర్లు, టెక్నీషియన్లు ఉన్నారని ఆమె కామెంట్లు చేశారు. హిందీ నా మాతృభాష అని సౌత్ భాషలలో మంచి కంటెంట్ వస్తోందని కాజల్ అగర్వాల్ అభిప్రాయం వ్యక్తం చేశారు.

బాలీవుడ్ సినిమాలు చూస్తూ పెరిగానని బాలీవుడ్ లో కూడా మంచి సినిమాలు చేశానని ఆమె తెలిపారు. సౌత్ ఇండస్ట్రీలో ఉన్న నైతికత, విలువలు క్రమశిక్షణ బాలీవుడ్ ఇండస్ట్రీలో లోపించాయని కాజల్ అగర్వాల్ చెప్పుకొచ్చారు. బాలీవుడ్ ఇండస్ట్రీ పరువు తీసేలా కాజల్ కామెంట్లు చేయగా ఆమె కామెంట్లపై భిన్నాభిప్రాయాలు వ్యక్తమవుతున్నాయి. కాజల్ కు సోషల్ మీడియాలో ఫ్యాన్ ఫాలోయింగ్ పెరుగుతోంది. ప్రస్తుతం టాలీవుడ్ సీనియర్ స్టార్ హీరోలకు జోడీగా కాజల్ అగర్వాల్ చెప్పుకొచ్చారు.

కాజల్ (Kajal) కు క్రేజ్ అంతకంతకూ పెరుగుతోంది. ఇతర ఇండస్ట్రీలలో సైతం కాజల్ సత్తా చాటాలని అభిమానులు కోరుకుంటున్నారు. కాజల్ బాలయ్య అనిల్ రావిపూడి కాంబో మూవీలో నటిస్తుండగా ఈ సినిమాపై అంచనాలు అంతకంతకూ పెరుగుతున్నాయి.