సినిమా పరిశ్రమలో హీరోలకు ఉన్నంత లైఫ్ టైమ్ హీరోయిన్లకు ఉండదు. ఐదేళ్ల నుంచి పదేళ్లకే సరిపెట్టుకోవాల్సి ఉంటుంది. కారణం వయసు పెరిగే కొద్దీ వచ్చే మార్పులు. కానీ కాజల్ అగర్వాల్ టాలీవుడ్ లో 14 ఏళ్లుగా హీరోయిన్ గా కొనసాగుతోంది. అందాన్ని పెంచుకుంటూ.. అభినయాన్ని మెరుగు పరుచుకుంటూ అవకాశాలను అందుకుంటోంది. ప్రస్తుతం హిందీ “క్వీన్” తమిళ రిమేక్ “ప్యారిస్ ప్యారిస్” ని చేస్తోంది. ఈ చిత్ర షూటింగ్ దాదాపు పూర్తి అయింది. ప్యాచ్ వర్క్ మాత్రమే మిగిలి ఉంది. ఈ చిత్ర షూటింగ్ కాగానే కాజల్ రెస్ట్ తీసుకోకుండా మరో సినిమా షూటింగ్ లో జాయిన్ అయింది. స్వామి రారా, కేశవ చిత్రాలతో మంచి పేరు తెచ్చుకున్న సుధీర్‌ వర్మ కిరాక్ పార్టీ తర్వాత శర్వానంద్ తో సినిమా చేస్తున్న సంగతి తెలిసిందే.
ఇందులో శర్వానంద్ డ్యూయల్ రోల్ చేస్తున్నారు. ఒకటి లవర్ బాయ్ కాగా.. మరొకటి మిడిల్ ఏజ్ క్యారెక్టర్. 40 ఏళ్ల శర్వానంద్ పక్కన జోడీగా కాజల్ అగర్వాల్ ని తీసుకున్నారు. అలాగే రెండో హీరోయిన్ గా కళ్యాణి ప్రియదర్శి నటిస్తోంది. ఈ సినిమాలో కొంతభాగం 1980ల కాలంలో జరగనుంది. అప్పటి గొడవలను తెరపైన చూపించనున్నారు. ఆకాలం యువతిగా కళ్యాణి కనిపించనుంది. కాజల్ నేటి యువతిగా ఆకట్టుకోనుంది. ఆమె డాక్టర్ రోల్ పోషించనున్నట్టు తెలిసింది. మంచి మనసుతో.. మెరిసే అందంతో శర్వానంద్ ని ఆకర్షిస్తుందని సమాచారం. సితార ఎంటర్ టైన్ మెంట్స్ బ్యానర్ పై సూర్యదేవర నాగ వంశీ నిర్మిస్తున్న మూవీ కొత్త అనుభూతిని పంచనుందని చిత్ర బృందం వెల్లడించింది.
