అక్కినేని నాగార్జున సోగ్గాడే చిన్ని నాయన సినిమాతో కళ్యాణ్ కృష్ణ డైరక్టర్ గా ఎంట్రీ ఇచ్చారు. మంచి హిట్ అందుకున్నారు. వెంటనే నాగార్జున తనయుడు నాగ చైతన్య ని డైరక్ట్ చేసే అవకాశాన్ని అందుకున్నారు. చైతూతో రారండోయ్ వేడుక చూద్దాం సినిమా చేశారు. దీంతో ద్వితీయ విజ్ఞాన్ని అధిగమించారు. భ్రమరాంబ గా రకుల్ ప్రీత్ సింగ్ నటించిన ఈ మూవీ సూపర్ హిట్ అయింది. దీంతో అక్కినేని ఫ్యామిలీ నుంచే మరో అవకాశాన్ని వచ్చింది. కానీ కళ్యాణ్ కృష్ణ బయట హీరోలతో సినిమా చేయాలనీ భావించారు. మాస్ మహారాజ్ రవితేజతో “నేల టిక్కెట్” మూవీని తెరకెక్కించారు. ఈ మూవీ ఘోరంగా పరాజయం పాలయింది.
దీంతో అవకాశాలన్నీ దూరమయ్యాయి. నాగచైతన్య తో చేయాలనుకున్న మూవీని కూడా బాబీ తన్నుకుపోయారు. ఎన్టీఆర్ తో ‘జైలవకుశ’ తీసి మంచి కలక్షన్స్ రాబట్టిన దర్శకుడు బాబీ ఆ తర్వాత కథలు పట్టుకొని కాళ్లు అరిగేలా తిరిగారు. అప్పుడు సురేష్ బాబు.. బాబీని సంప్రదించడం.. సినిమాకు ఓకే అనడం జరిగిపోయాయి. వెంకటేష్, నాగచైతన్యలు కలిసి నటించనున్న ఈ చిత్రానికి “వెంకీమామ” అనే టైటిల్‌ ని ఫిక్స్ చేశారు. ఆసక్తి కలిగిస్తున్న ఈ మూవీ రేపు పూజా కార్యక్రమాలు జరుపుకోనుంది. దీంతో మంచి అవకాశాన్ని వదులుకున్నానని కళ్యాణ్ కృష్ణ బాధపడుతున్నారని ఫిలిం నగర్ వాసులు చెప్పారు.
