జనతా గ్యారేజ్ తర్వాత యంగ్ టైగర్ ఎన్టీఆర్ చేస్తున్న మూవీ ప్రారంభానికి ముహూర్తం కుదిరింది. బాబీ దర్శకత్వంలో తెరకెక్కనున్న ఈ సినిమా ఓపెనింగ్ తేదీతో పాటు, రెగ్యులర్ షూటింగ్ తేదీని ఫిక్స్ చేశారు. ఎన్టీఆర్ ఆర్ట్స్ బ్యానర్లో రూపుదిద్దుకోనున్న ఈ ఫిల్మ్ షూటింగ్ షురూ అయ్యే తేదీలను నిర్మాత కళ్యాణ్ రామ్ నేడు ప్రకటించారు. ఫిబ్రవరి 10 న పూజా కార్యక్రమాలు నిర్వహిస్తామని, ఫిబ్రవరి 15 నుంచి రెగ్యులర్ షూటింగ్ జరుపుకోనుందని సోషల్ మీడియాలో ఆయన అధికారికంగా వెల్లడించారు. “జై లవ కుశ” అనే టైటిల్ ని పరిశీలిస్తున్న ఈ చిత్రంలో ఎన్టీఆర్ మూడు పాత్రల్లో కనిపించనున్నారు.
ఒక పాత్ర పూర్తిగా గడ్డం లుక్ తో ఆకట్టుకోనున్నట్లు సమాచారం. ఇది నెగటివ్ షేడ్స్ ఉన్న పాత్ర. మిగిలిన రెండు పాత్రలు క్లాస్ లుక్ లో కనిపించబోతున్నట్లు తెలిసింది. తొలిసారి ఎన్టీఆర్ త్రి పాత్రాభినయం చేస్తున్న ఈ ఫిల్మ్ కి బాలీవుడ్ ప్రముఖ కెమెరా మెన్ సీ కే మురళీధరన్ ని తీసుకున్నారు. ఇందులో ముగ్గురు హీరోయిన్స్ నటిస్తుండగా, ఒకరిగా ఢిల్లీ సుందరి రాశీ ఖన్నా ఫిక్స్ అయింది. ఐటమ్ భామ లక్ష్మి రాయ్ ప్రత్యేక గీతంలో అందాలు ఆరబోయనుంది.
Also, do SUBSCRIBE to our YouTube channel to get latest Tollywood updates.
