Kalyan Ram: కళ్యాణ్ రామ్ ఈసారైనా హిట్టు కొడతారా..?

నందమూరి హీరో కళ్యాణ్ రామ్ తన సినీ కెరీర్ లో ఎన్నో సినిమాల్లో నటించినా అతనొక్కడే, పటాస్ మాత్రమే హిట్లుగా నిలిచాయి. మిగతా సినిమాలన్నీ ఫ్లాప్ కాగా 118 మాత్రం అబవ్ యావరేజ్ రిజల్ట్ ను అందుకుంది. కళ్యాణ్ రామ్ గత సినిమా ఎంత మంచివాడవురా భారీ అంచనాలతో విడుదలై ఘోర పరాజయం పాలవడంతో కళ్యాణ్ రామ్ ఆచితూచి అడుగులేస్తున్నారు. కొన్ని నెలల క్రితం కళ్యాణ్ రామ్ మైత్రీ మూవీ మేకర్స్ బ్యానర్ లో ఒక సినిమాను ప్రకటించారు.

రాజేంద్ర అనే దర్శకుని దర్శకత్వంలో ఈ సినిమా తెరకెక్కుతోంది. అయితే కళ్యాణ్ రామ్ ఈ సినిమాతో పాటు మరో సినిమాకు కూడా గ్రీన్ సిగ్నల్ ఇచ్చారు. వశిష్ట్ అనే కొత్త డైరెక్టర్ డైరెక్షన్ లో ఈ సినిమా షూటింగ్ కొన్ని నెలల క్రితం మొదలు కాగా రేపు ఈ సినిమా టైటిల్ ను ప్రకటించనున్నారని సమాచారం. సోషియో ఫాంటసీగా తెరకెక్కుతున్న ఈ సినిమాతో కచ్చితంగా భారీ బ్లాక్ బస్టర్ హిట్ సాధిస్తానని కళ్యాణ్ రామ్ భావిస్తున్నారు.

ఎంత మంచివాడవురా రిజల్ట్ తో కథల విషయంలో కూడా కళ్యాణ్ రామ్ జాగ్రత్త పడుతున్నట్టు తెలుస్తోంది. కళ్యాణ్ రామ్ సినీ కెరీర్ లోనే ఈ సినిమా గేమ్ ఛేంజర్ అవుతుందనే కామెంట్లు వినిపిస్తున్నాయి. ప్రీ లుక్ పోస్టర్ లో సింహం బొమ్మ, పుస్తకంలో గుచ్చుకున్న కత్తి ఉండగా కళ్యాణ్ రామ్ ఈ ఏడాదే ఈ సినిమాను రిలీజ్ చేస్తారేమో చూడాల్సి ఉంది. పటాస్ తరువాత ఆ స్థాయి హిట్ లేని కళ్యాణ్ రామ్ సక్సెస్ ట్రాక్ లోకి రావాలని అతని ఫ్యాన్స్ కోరుకుంటున్నారు.

Most Recommended Video

ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!