Kanmani Rambo Khatija Teaser: ‘కణ్మణి రాంబో ఖతీజా’ టీజర్.. ఈ ట్రయాంగిల్ లవ్ స్టోరీ కొత్తగా ఉందే!

ముగ్గురు సౌతిండియన్ సూపర్ స్టార్స్ విజయ్ సేతుపతి, నయనతార, సమంతలు కలిసి ఓ సినిమా చేస్తున్నారు. అదే ‘కాథువాక్కుల రెండు కాదల్’. విఘ్నేష్ శివన్ ఈ సినిమాను డైరెక్ట్ చేస్తున్నారు. తెలుగులో కూడా ఈ సినిమాను విడుదల చేయడానికి ప్లాన్ చేస్తున్నారు. తెలుగు వెర్షన్ కి ‘కణ్మణి రాంబో ఖతీజా’ అనే టైటిల్ ఫిక్స్ చేశారు. తాజాగా సినిమా తెలుగు ట్రైలర్ ను రిలీజ్ చేశారు. కణ్మని పాత్రలో నయనతార, రాంభోగా విజయ్ సేతుపతి, ఖతిజా కారెక్టర్‌లో సమంత నటించారు.

Click Here To Watch

ఇద్దరు అమ్మాయిలను ఒకేసారి ప్రేమించడం, ఇద్దరితో కలిసి ఉండాలనుకునే హీరో స్టోరీనే ఈ సినిమా. ఇద్దరు అమ్మాయిలతో కలిసి ఉండటం వల్ల వచ్చే కష్టాలను విఘ్నేశ్ శివన్ ఎంతో సరదాగా చూపించినట్టు టీజర్ చూస్తే తెలుస్తుంది. నిన్ను మొదటి సారిగా చూసినప్పుడే ప్రేమించాను అంటూ ఇద్దరికీ ఒకే సారి చెబుతాడు. మొట్టమొదటిసారి ఏరోజైతే నీ లవ్ నాతో చెప్పావో.. ఆరోజు నుంచే నా జీవితం అందంగా మారిందంటూ మళ్లీ ఇద్దరినీ చూపిస్తూ చెబుతుంటాడు.

ఈ ముగ్గురు మధ్య ట్రయాంగిల్ లవ్ స్టోరీతో ఈ సినిమాను తెరకెక్కించారు. హీరో ఇద్దరినీ ఎందుకు ప్రేమించాడు..? దానికి వెనుక ఏమైనా కారణాలు ఉన్నాయా అనేది సినిమా చూసి తెలుసుకోవాల్సిందే! ఈ చిత్రానికి అనిరుధ్ సంగీతం అందిస్తున్నారు. ఇప్పటికే ఈ సినిమాలో ‘టూ టుటు టుటూ..’ అనే పాట బాగా వైరల్ అయింది. తమిళనాటను ఓ ఊపు ఉపేసింది ఈ సాంగ్. దీంతో ఈ సినిమాపై అంచనాలు కూడా పెరిగిపోయాయి. ఏప్రిల్ 28న సినిమాను విడుదల చేయనున్నారు. మరి తెలుగులో ఈ సినిమాకి ఎలాంటి రెస్పాన్స్ వస్తుందో చూడాలి!

భామా కలాపం సినిమా రివ్యూ & రేటింగ్!

ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!