ఎన్టీఆర్ తో తలపడనున్న వివాదాస్పద కన్నడ నటుడు

బాబీ దర్శకత్వంలో ఎన్టీఆర్ నటిస్తున్న జై లవ కుశ లోగో పోస్టర్ అత్యంత వేగంగా ఒక మిలియన్ వ్యూస్ రాబట్టుకొని దూసుకుపోతోంది. అంతకంటే వేగంగా ఈ సినిమా షూటింగ్ జరిగేలా నిర్మాత కళ్యాణ్ రామ్ అడుగులు వేస్తున్నారు. ఈ చిత్రానికి సరితూగే బాలీవుడ్, హాలీవుడ్ టెక్నీషియన్లను సెలక్ట్ చేసిన కళ్యాణ్ రామ్ తాజాగా తారక్ తో తలపడే విలన్ ను కూడా ఎంపిక జేశారు. కన్నడలో వివాదాస్పద నటుడిగా గుర్తింపు తెచ్చుకున్న దునియా విజయ్ ని ప్రతికథానాయకుడిగా ఖరారు చేసినట్లు తెలిసింది.

దునియా విజయ్ కన్నడలో అనేక సినిమాలు చేశారు. విజయాలతో పాటు వివాదాల్లోనూ ఇరుక్కున్నారు. కొన్ని రోజుల క్రితం ఇద్దరి ఫైటర్లు రిజర్వాయర్ లో దూకి చనిపోయిన సంఘటనతో బ్యాన్ కి గురి అయిన విజయ్ ని టాలీవుడ్ ఆహ్వానిస్తోంది. జై లవకుశ తో తెలుగు చిత్ర పరిశ్రమకు పరిచయం చేస్తుంది. ఎన్టీఆర్ మూడు పాత్రల్లో విశ్వరూపం ప్రదర్శించనున్న ఈ సినిమాకు  సరైన విలన్ దునియా విజయ్ అని చిత్ర యూనిట్ నమ్ముతోంది.

Also, do SUBSCRIBE to our YouTube channel to get latest Tollywood updates.