కన్నడకి చెందిన ‘కాంతారా’ సినిమా ఎంత పెద్ద హిట్ అయిందో తెలిసిందే. కర్ణాటకలోని ఒక ప్రాంతానికి సంబంధించిన ఆచార సంప్రదాయాల చుట్టూ తిరిగే సినిమా ఇది. ఈ సినిమాకి వచ్చిన బజ్ చూసి తెలుగు ఆడియన్స్ కూడా సినిమా చూడాలనుకున్నారు. వెంటనే సినిమాను డబ్ చేసి తెలుగులో రిలీజ్ చేశారు. ఈ సినిమాను డైరెక్ట్ చేసి, హీరోగా నటించిన రిషబ్ శెట్టి గురించి మనవాళ్లకు పెద్దగా తెలియదు. ఈ సినిమాకి తెలుగులో ప్రమోషన్స్ కూడా లేవు.
కేవలం మౌత్ టాక్ తో సినిమా దూసుకుపోతుంది. తెలుగు ఆడియన్స్ ఈ సినిమాకి బ్రహ్మరథం పట్టారు. ఇప్పటికే తెలుగులో ఈ సినిమా రూ.50 కోట్లను వసూలు చేసింది. వరల్డ్ వైడ్ ‘కాంతారా’ రూ.300 కోట్ల గ్రాస్ ను దాటేసింది. అయితే ఈ సినిమా థియేట్రికల్ రన్ మీద నిర్మాతలు ఇంకా ఆశలు వదులుకోలేదు. కన్నడలో ఈ సినిమా విడుదలై ఐదు వారాలు అవుతుంది. ఇంకా అక్కడ సినిమా సత్తయ్య చాటుతూనే ఉంది.
తెలుగు, హిందీ భాషల్లో కూడా భారీ వసూళ్లు రాబడుతుండడంతో ప్రమోషన్స్ జోరు పెంచారు. దర్శకుడు,హీరో రిషబ్ శెట్టి ఈ సినిమా ప్రమోషన్స్ కోసం వివిధ రాష్ట్రాల్లో సక్సెస్ టూర్లు వేస్తున్నారు. ఈ సినిమాను మరింతగా జనాల్లోకి తీసుకెళ్లే ప్రయత్నం చేస్తున్నారు. ఇప్పుడు ఈ సినిమాకి భారీ సపోర్ట్ దొరికింది. దక్షిణాఫ్రికా లెజండరీ క్రికెటర్ ఏబీ డివిలియర్స్ ‘కాంతారా’ సినిమాను ప్రమోట్ చేస్తున్నారు. ఇండియన్స్ కూడా ఈ క్రికెటర్ ను బాగా ఇష్టపడతారు.
ఇటీవల ఆయన బెంగుళూరుకి రాగా.. వెంటనే రిషబ్ అతడిని కలిశారు. ఇద్దరూ కలిసి ‘కాంతారా’కి ఎలివేషన్ ఇచ్చారు. ఈ సినిమాను తప్పకుండా చూడాలని ఒక రీల్ కూడా చేశారు. ఒక లెజండరీ క్రికెటర్ ఇలా ప్రాంతీయ సినిమాను ప్రమోట్ చేయడం గొప్ప విషయమనే చెప్పాలి.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
