Karthi,Prabhas: కార్తీ ‘వీరుమాన్’ ను అందుకే తెలుగులో విడుదల చేయలేదా?

August 18, 2022 / 05:54 PM ISTByFilmy Focus

Join Us

Karthi,Prabhas: కార్తీ ‘వీరుమాన్’ ను అందుకే తెలుగులో విడుదల చేయలేదా?

కార్తీ హీరోగా శంకర్ కూతురు అదితి హీరోయిన్ గా ‘వీరుమాన్’ అనే చిత్రం తెరకెక్కింది.ముత్తయ్య ఈ చిత్రానికి దర్శకత్వం వహించాడు. ఆగస్టు 12 న ఈ మూవీ ప్రేక్షకుల ముందుకు వచ్చింది. మొదటి రోజే సూపర్ హిట్ టాక్ ను సొంతం చేసుకున్న ఈ మూవీ అక్కడ భారీ వసూళ్లను రాబడుతోంది. కార్తీ అన్నయ్య, హీరో సూర్య ఈ చిత్రానికి నిర్మాత. ఈ మధ్య కాలంలో తమిళంలో పెద్ద సినిమాలు రాలేదు. ‘విక్రమ్’ తర్వాత అక్కడ చాలా గ్యాప్ వచ్చింది.

దీంతో ‘వీరుమాన్’ చిత్రం అత్యధిక థియేటర్లలో రిలీజ్ అయ్యింది. పోటీగా ఏ సినిమా లేకపోవడంతో చాలా వరకు థియేటర్లు హౌస్ ఫుల్ బోర్డులతో కళకళలాడుతున్నాయి. కార్తీ కెరీర్లోనే బిగ్గెస్ట్ ఓపెనింగ్స్ నమోదవుతుండటం విశేషం. అయితే కథ పరంగా చూసుకుంటే.. ఎటువంటి కొత్తదనం ఉండదు. తల్లి మరణానికి కారణమైన తండ్రి పై పగ తీర్చుకోవడమే ఈ చిత్రం కథ. ఇలాంటి కథతో ప్రభాస్ ఓ సినిమా చేశాడు అదే ‘మున్నా’.వంశీ పైడిపల్లి ఈ చిత్రానికి దర్శకుడు.

నిజానికి అంతకు ముందే వెంకటేష్ ‘సూర్య ఐపీఎస్’ కూడా ఇదే కథతో వచ్చింది. ఇక నాగార్జున ‘వారసుడు’, కళ్యాణ్ రామ్ ‘పటాస్’ సినిమాల్లో కూడా ఇలాంటి పాయింట్ ఉంటుంది. రెగ్యులర్ స్టోరీనే అయినప్పటికీ తమిళ నేటివిటీకి తగ్గట్టుగా ఈ సినిమా ఉంటుంది. అందుకే రివ్యూలు కూడా చాలా నెగిటివ్ గా వచ్చినప్పటికీ ఈ మూవీ అక్కడ కమర్షియల్ సక్సెస్ అందుకుంది.

దీంతో డిస్ట్రిబ్యూటర్లలో ఒకరైన శక్తి వేలన్.. నిర్మాత సూర్య,హీరో కార్తీలకు డైమండ్ బ్రాస్లెట్స్ ను బహుమతిగా అందించాడు. దర్శకుడు ముత్తయ్యకి డైమండ్ రింగ్ ను గిఫ్ట్ గా అందించడం విశేషం.