డాలీ దర్శకత్వంలో పవర్ స్టార్ పవన్ కళ్యాణ్ నటిస్తున్న కాటమరాయుడు షూటింగ్ వేగంగా జరుగుతోంది. నార్త్ స్టార్ ఎంటర్ టైన్మెంట్స్ పతాకంపై శరత్ మరార్ నిర్మిస్తున్న ఈ మూవీ టీజర్ ని ముందుగా జనవరి 26 రిలీజ్ చేయాలనీ అనుకున్నారు. అదే రోజు ఆంధ్రప్రదేశ్ ప్రత్యేక హోదా కోసం మౌన ప్రదర్శన నిర్వహించడంతో రిలీజ్ ని వాయిదా వేశారు. తాజాగా ఫిబ్రవరి 4 న విడుదల చేయాలనీ చిత్ర బృందం నిర్ణయించింది.
పవర్ స్టార్ తొలిసారి ఫ్యాక్షన్ లీడర్ గా నటిస్తున్న ఈ మూవీ ఫస్ట్ లుక్ తో పాటు ఆ తర్వాత వచ్చిన పోస్టర్ లు సినిమాపై అంచనాలను పెంచాయి. గబ్బర్ సింగ్ తర్వాత శృతిహాసన్ ఇందులో హీరోయిన్ గా నటిస్తుండడంతో ఈ హిట్ పెయిర్ కి మరో హిట్ గ్యారంటీ అని అభిమానులు ఆశిస్తున్నారు. పవన్ కళ్యాణ్ కి తమ్ముళ్లుగా అజయ్, శివబాలాజీ, కమల్ కామరాజు లు కనిపించనున్నారు. వీరి మధ్య ఉండే సీన్లు ఆకట్టుకుంటాయని చిత్ర బృందం వెల్లడించింది. అలాగే రావు రమేష్ తో పవన్ కళ్యాణ్ కి ఉండే యాక్షన్ సీన్లు అదరగొడుతాయని వివరించింది. ఆ శాంపిల్ ని రేపు టీజర్ రూపంలో చూపిస్తామని పేర్కొంది.
Also, do SUBSCRIBE to our YouTube channel to get latest Tollywood updates.