టాలీవుడ్ టాప్ హీరోల్లో ఒకడైన చిరంజీవి దాదాపుగా 10ఏళ్ల ముందు కొత్త పార్టీ పెట్టి ఎన్నో ఇబ్బందులను ఎదుర్కొని ఆతరువాత పొలిటికల్ గ్రాఫ్ పెద్దగా బాగోకపోవడంతో, మళ్లీ తన సినిమా టాలెంట్ తో 150వ సినిమాతో ముందుకు వస్తున్నాడు. అయితే మెగాస్టార్ అభిమానులు ఎప్పుడెప్పుడా అని ఎదురు చూస్తున్న ఆయన 150వ సినిమా ఎట్టకేలకు దాదాపు రెండు ఏళ్ల సుధీర్గ చర్చలు తరువాత పట్టాలు ఎక్కింది. ఇక ఈ చిత్రం ఇప్పటికీ తమిళ చిత్రం ‘కత్తి’కి రీమేక్ గా వస్తున్న విషయం తెలిసిందే.
అదే క్రమంలో ఈ సినిమా షూటింగ్ హైదరాబాద్ లో మొదలయ్యింది. ప్రస్తుతం చెంచల్ గూడా జైలులో కొన్ని సన్నివేశాలు షూట్ చేస్తున్నారు. అయితే ఈ షూటింగ్ కి సంబంధించి కొన్ని ఫోటోలు ఇప్పటికే సోషల్ నెట్ వర్క్ లో హల్ చల్ చేస్తున్నాయి. అయితే తాజాగా ఈ చిత్రానికి సంబంధించి కొన్ని డైలాగ్స్ కూడా లీక్ అయినట్లు వార్తలు వస్తున్నాయి.
ఇంతకీ ఆ లీక్ అయిన డైలాగ్స్ ఏంటో చూద్దాం రండి…”దుక్కి దున్నడమే తెలుసు వీళ్ళకు.. దుర్మార్గం చెయ్యడం తెలియదు. నాగలి పట్టడమే తెలుసు వీళ్ళకు.. నరకడం తెలియదు’’. ‘‘వీళ్ల పొలాలకు నీరు ఇవ్వకపోతే.. ఆ నాగలి పట్టిన చేతులే మీలాంటి కలుపు మొక్కలను నరుకుతూ మీ గుండెలను దున్నుకుపోతారు’’ అంటూ ఎంతో ఉద్వేగంగా సాగే ఈ డైలాగ్స్ ఇప్పుడు నెట్ లో హల్చల్ చేస్తున్నాయి. ఇక ఈ సినిమాలో చిరు పల్లెటూరిని కార్పొరేట్ శక్తుల నుంచి కాపాడుకోవాలని తపించే యువ శాస్త్రవేత్త పాత్ర పాత్రలో కనిపించనున్నాడు. మరి కొత్తగా తెరపైకి వస్తున్న చిరు ఎంతవరకూ సక్సెస్ అవుతాడో చూడాలి.
