క్లాస్ సినిమాతో ఆకట్టుకొన్న కీర్తి మాస్ సినిమాతో అలరించగలదా

“మహానటి” చిత్రంతో కెరీర్ బెస్ట్ హిట్ తోపాటు.. లైఫ్ టైమ్ కి సరిపడా ప్రశంసలు అందుకొన్న కీర్తి సురేష్ నటించిన తాజా చిత్రం “సామి” ఈ శుక్రవారం విడుదలవుతోంది. విక్రమ్ కథానాయకుడిగా తెరకెక్కిన ఈ చిత్రంలో కీర్తి సురేష్ రెగ్యులర్ కమర్షియల్ హీరోయిన్ రోల్ ప్లే చేసింది. హరి మార్క్ మాస్ మసాలా సినిమాగా తెరకెక్కిన ఈ చిత్రంలో కీర్తి సురేష్ కి ఎప్పట్లానే మూడు పాటలు, ఆరు సీన్లు ఇచ్చాడు దర్శకుడు హరి. ఈ సినిమా ఎప్పుడు విడుదలైనా పెద్దగా ఎవరూ పట్టించుకొనేవారు కాదేమో కానీ “మహానటి” లాంటి క్లాసిక్ హిట్ అనంతరం కీర్తి నటించగా విడుదలవుతున్న చిత్రం కావడంతో ఈ సినిమాపై కీర్తి అభిమానులు చాలా ఆశలు పెట్టుకొన్నారు.

కానీ.. వారి అంచనాలను తలక్రిందులు చేస్తూ “సామి” ట్రైలర్స్ చూస్తుంటే సినిమాలో అమ్మడికి కనీస స్థాయి ఎలివేషన్ కూడా ఉన్నట్లు కనిపించడం లేదు. పైగా.. అమ్మడు లుక్స్ & కాస్ట్యూమ్స్ కూడా బాగోలేవు. దాంతో కీర్తి సురేష్ ఫ్యాన్స్ అందరూ ఇప్పటినుంచే ఆ సినిమాను ఇగ్నోర్ చేయడం మొదలెట్టారు. మరి సినిమా మంచి విజయం సాధించి కీర్తి సురేష్ కెరీర్ లో మరో హిట్ గా నిలుస్తుందో లేక ఫ్లాపై ఆమెకు మైనస్ గా మారుతుందో చూడాలి.