నేను.. శైలజ చిత్రంతో అందరి మనసులు దోచుకున్న కేరళ కుట్టీ కీర్తి సురేష్, నేను లోకల్ మూవీతో దర్శకుల దృష్టిలో పడింది. టాలీవుడ్ టాప్ డైరక్టర్లయిన త్రివిక్రమ్ శ్రీనివాస్, కొరటాల శివ సినిమాలో ఛాన్స్ కొట్టేసింది. రెండూ భారీ బడ్జెట్ చిత్రాలే. ఒకటి పవర్ స్టార్ పవన్ కళ్యాణ్, త్రివిక్రమ్ కాంబినేషన్లో వచ్చే మూడో సినిమా కాగా, రెండోది కొరటాల, మహేష్ కలయికలో రానున్న రెండో మూవీ. భారీ అంచనాలు కలిగిన ఈ చిత్రాల్లో అవకాశం పట్టేసి లక్కీ గర్ల్ అని కీర్తి పేరు తెచ్చుకుంది అయితే తాజాగా బరువు పెరగడంతో ప్రాజక్ట్ ల నుంచి ఆమెను పక్కన పెట్టారని గాసిప్ గుప్పుమంది. ఏ వార్తల్లో కొంత వాస్తవం ఉంది.
త్రివిక్రమ్ అయితే బరువు తగ్గకుంటే కష్టమేననని కీర్తికి సున్నితంగా చెప్పారంట. అందుకే ఈ అమ్మడు బరువు తగ్గే పనిలో ఉంది. స్టార్స్ తో నటించే అవకాశాన్ని వదులుకోకూడదని పట్టుదలతో వ్యాయామం చేస్తున్నట్లు తెలిసింది. వచ్చే నెలలో పవన్ మూవీ సెట్స్ మీదకు వెళ్లనుంది. అలాగే మహేష్ సినిమా మే నుంచి మొదలు కాబోతోంది. అప్పటిలోగా స్లిమ్ గా తయారై అభినయంతోనే కాకుండా అందంతో అభిమానులను ఫ్లాట్ చేయాలనీ ప్రయత్నిస్తోంది.
Also, do SUBSCRIBE to our YouTube channel to get latest Tollywood updates.
