తమన్నా మిస్ చేసుకుంటే.. కీర్తి సురేష్ కి దక్కింది…!

‘మహానటి’ చిత్రంతో స్టార్ హీరోయిన్ గా మారిపోయింది కీర్తి సురేష్. అంతేకాదు తమిళంలో వరుస ఆఫర్లను దక్కించుకోవడంతో పాటు.. వరుస విజయాలను అందుకుంది. ఇప్పటికే విజయ్, విక్రమ్, విశాల్, సూర్య, శివకార్తికేయన్ వంటి స్టార్ హీరోల చిత్రాలలో నటించి మంచి క్రేజ్ తెచ్చుకుంది. అయితే టాలీవుడ్ లో ‘మహానటి’ తరువాత మరో చిత్రం చేయలేదు కీర్తి. దర్శకధీరుడు రాజమౌళి తెరకెక్కిస్తున్న భారీ మల్టీస్టారర్ ‘ఆర్.ఆర్.ఆర్’ చిత్రంలో నటిస్తుందంటూ గత కొంతకాలంనుండీ వార్తలొస్తున్నాయి. ఇదిలా ఉండగా.. తాజాగా ఓ హీరోయిన్ ఓరియెంటెడ్ మూవీని లైన్లో పెట్టింది కీర్తి.

•  వినయ విధేయ రామ రివ్యూ కోసం ఇక్కడ  క్లిక్ చేయండి
• ‘ఎన్టీఆర్ -కథానాయకుడు’ రివ్యూ కోసం ఇక్కడ క్లిక్ చేయండి 
• ‘పేట’ రివ్యూ కోసం ఇక్కడ క్లిక్ చేయండి

కళ్యాణ్ రామ్ తో ‘118’ లాంటి థ్రిల్లర్ ను నిర్మిస్తున్న మహేష్ కోనేరు… ‘ఈస్ట్ కోస్ట్ ప్రొడక్షన్స్’ బ్యానర్ పై ఈ చిత్రాన్ని నిర్మిస్తున్నారు. తాజాగా ఈ ఈచిత్రానికి సంబంధించి పూజా కార్యక్రమాల్ని జరిపారు. అయితే ముందుగా ఈ చిత్రాన్ని మిల్కీ బ్యూటీ తమన్నాతో అనుకున్నారట. మొదట ఈ చిత్ర కథను తమన్నాకి వినిపించగా .. తన డేట్స్ కాళీ లేకపోవడంతో హోల్డ్ లో పెట్టిందట. ప్రస్తుతం ఒప్పుకున్న ప్రాజెక్టులు పూర్తయ్యే వరకు ఆగమని దర్శక నిర్మాతలకి చెప్పిందట. దీంతో తమన్నాకి బదులుగా కీర్తి సురేశ్ ను తీసుకున్నట్టు తెలుస్తుంది. ఇక ఫిబ్రవరి నుండీ ఈ చిత్రం రెగ్యులర్ షూటింగ్ మొదలుకానుందని సమాచారం. ఈ చిత్రం ముఖ్యభాగాన్ని అమెరికాలో చిత్రీకరించనున్నారట. ఈ చిత్రం ద్వారా నరేంద్ర దర్శకుడిగా పరిచయమవుతున్నాడు. ఏదేమైనా తమన్నా ప్లేస్ ని కీర్తి సురేష్ కొట్టేసిందనమాట..!