అదరహో అనిపిస్తున్న కీర్తి సురేష్ లేటెస్ట్ లుక్

ప్రస్తుతం తెలుగు చిత్ర పరిశ్రమలో అభినయంతో ఆకట్టుకుంటున్న భామ ఎవరని అడిగితే మొదట గుర్తొచ్చే పేరు కీర్తి సురేష్. “నేను శైలజ” సినిమాతో టాలీవుడ్ లోకి అడుగుపెట్టిన కీర్తిసురేశ్ మొదటి సినిమాతోనే యువ హృదయాలను కొల్లగొట్టింది. కాస్త ఆలస్యమైనా నేను లోకల్ మూవీలో కనిపించి మరో విజయాన్ని సొంతం చేసుకుంది. బొద్దుగా ఉన్నప్పటికీ అభినయంతో శెభాష్ అనిపించుకుంది. పవర్ స్టార్ పవన్ కళ్యాణ్ సినిమాలోనూ ఛాన్స్ కొట్టేసింది. కమర్షియల్ సినిమా హీరోయిన్ ఉండాల్సిన ఫిజిక్ లేని కీర్తిని ఎందుకు సెలక్ట్ చేశారని పవన్ అభిమానులు కొంత నిరుత్సాహపడ్డారు. త్రివిక్రమ్, పవన్ కాంబినేషన్లో వస్తున్న మూడో మూవీకి ఆమె ఏమైనా మైనస్ అవుతుందేమోనని ఆందోళన పడ్డారు. వారి కంగారు నేటితో తగ్గిపోయింది.

కారణం ఏమిటంటే .. కీర్తి లేటెస్ట్ స్టిల్స్ ని ఓ మ్యాగజైన్ వారు పబ్లిష్ చేశారు. ఆ ఫొటోలో కీర్తి కొంచెం బరువు తగ్గి పర్ఫెక్ట్ ఫిగర్ తో కనిపించింది. ఈ లుక్ అందరికీ నచ్చింది. ఇదే లుక్ తో పవన్ సినిమాలో కనిపిస్తుందని సమాచారం రావడంతో పవన్ ఫ్యాన్స్ సంతోషపడుతున్నారు. నేను లోకల్ మూవీ తర్వాత స్టార్ సరసన అవకాశం రాగానే డైట్ పాటించి, జిమ్ కి వెళ్లి సూపర్ లుక్ సొంతం చేసుకుందని ఫిల్మ్ నగర్ వాసులు చెప్పుకుంటున్నారు. కొత్త కీర్తి సురేష్ ని చూడాలని అందరూ ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.