‘నేను.. శైలజ’ చిత్రంతో కుర్రకారు మనసును దోచుకున్న కీర్తి సురేష్ ఆ తరువాత తెలుగులో వరుసగా నటిస్తుందని అనుకున్నారు. కానీ అమ్మడు తమిళ చిత్రాలతో బిజీ అయిపోయింది. తమిళ స్టార్ హీరో ధనుష్ తో ఇప్పటికే ఓ సినిమాలో నటించిన కీర్తి, విజయ్ సరసన కూడా మరో సినిమాలో నటిస్తోంది.
ఇక మరో స్టార్ హీరో సూర్య సినిమాలో కూడా నటించడానికి గ్రీన్ సిగ్నల్ ఇచ్చి స్టార్ హీరోలందరిని కవర్ చేస్తుంది. సింగం 3 సినిమా తరువాత సూర్య, ముత్తయ్య దర్శకత్వంలో ఓ సినిమా చేయనున్నాడు. ఈ సినిమాలో హీరోయిన్ గా కీర్తి సురేష్ ను సంప్రదించగా ఆమె ఓకే చెప్పినట్లు తెలుస్తోంది. అతి తొందరలోనే కోలీవుడ్ స్టార్ హీరోయిన్ గా కీర్తి బిజీ అయిపోవడం ఖాయమనే అభిప్రాయాలు వ్యక్తమవుతున్నాయి.
