ఎన్టీఆర్ 27 లో మాస్ ప్రేక్షకులను ఆకట్టుకునే రోల్

బాహుబలి తరవాత తెలుగు సినీ అభిమానులను ఊరిస్తున్న సినిమా జై లవకుశ. ఫిబ్రవరి 10న పూజా కార్యక్రమాలు పూర్తి చేసుకున్న ఎన్టీఆర్ 27 సినిమా, గత నెల 20 నుంచి రెగ్యులర్ షూటింగ్ జరుపుకుంటోంది. ఈ చిత్రీకరణలో గతవారం ఎన్టీఆర్ అడుగుపెట్టారు. దీంతో షూటింగ్ వేగం పుంజుకుంది. బాబీ దర్శకత్వంలో తెరకెక్కనున్న ఈ సినిమాలో తారక్ మూడు పాత్రలు పోషించనున్నారు. ఆ క్యారెక్టర్స్ లో స్టైలిష్ గా ఉండే లవకుమార్ పాత్ర లుక్ ఫైనల్ కావడంతో ఆ క్యారక్టర్ పై ఉన్న సీన్లు షూట్ చేస్తున్నారు. ఎన్టీఆర్ ఆర్ట్స్ బ్యానర్లో కళ్యాణ్ రామ్ నిర్మిస్తున్న ఈ చిత్రంలోని కీలక పాయింట్ రివీల్ అయింది. ఈ సినిమా రివేంజ్ బేస్డ్ స్టోరీ అని తెలిసింది. ఇందులోని ఒక పాత్ర రఫ్ లుక్ తో చాలా వైలెంట్ గా ఉంటుందని, మొదటి నుంచి ప్రేక్షకులు అసహ్యించుకుంటారని, చివరికి అతన్నీ హీరోగా అంగీకరిస్తారని సమాచారం.

అంత వైవిధ్యంగా బాబీ ఈ పాత్రను మలిచారని, ఆ క్యారక్టర్ కి తారక్ తన నటనతో జీవం పోస్తాడని చిత్ర యూనిట్ సభ్యులు భావిస్తున్నారు. ఈ పాత్ర మాస్ ప్రేక్షకులను విశేషంగా ఆకట్టుకుంటుందని నమ్మకంగా ఉన్నారు. బాలీవుడ్ కెమెరామెన్ సీ కే మురళీధరన్, హాలీవుడ్ లెగసీ ఎఫెక్ట్స్ టెక్నీషియన్ వాన్సీ హార్ట్ వెల్ తదితరులు ఈ సినిమా కోసం శ్రమిస్తున్నారు. రాక్ స్టార్ దేవీ శ్రీ ప్రసాద్ సంగీతాన్ని అందిస్తున్న ఈ మూవీపై  భారీ అంచనాలున్నాయి.

Also, do SUBSCRIBE to our YouTube channel to get latest Tollywood updates.