గీతా ఆర్ట్స్ ఆఫీస్ లో కె.జి.ఎఫ్ డైరెక్టర్, వాట్సాప్ బన్నీ?!

“అల వైకుంఠపురములో” సినిమా విడుదలైనప్పట్నుంచి బన్నీ కన్ను పాన్ ఇండియన్ ప్రాజెక్ట్స్ మీద పడింది. అందుకే త్రివిక్రమ్ తో సినిమా అనంతరం వేణు శ్రీరామ్ దర్శకత్వంలో “ఐకాన్” సినిమా చేయాల్సి ఉన్నప్పటికీ.. దాన్ని పక్కనపెట్టి మరీ సుకుమార్ తో “పుష్ప”ను సెట్స్ మీదకు తీసుకెళ్ళాడు. ఆ సినిమా ఇప్పుడు రిలీజ్ కి దగ్గర పడింది. ఆ సినిమా తర్వాత బన్నీ తదుపరి చిత్రం ఏమిటి? అనే విషయంలో క్లారిటీ లేదు.

రకరకాల ప్రొజెక్ట్స్ పేర్లు వినిపిస్తున్నప్పటికీ.. అఫీషియల్ కన్ఫర్మేషన్ మాత్రం లేదు. అయితే.. ఇవాళ సాయంత్రం గీతా ఆర్ట్స్ ఆఫీస్ నుంచి డైరెక్టర్ ప్రశాంత్ నీల్ బయటకు వస్తూ కనిపించడం, ఆ సమయంలో బన్నీ కూడా ఆఫీస్ లోనే ఉండడం సరికొత్త గుసగుసలకు దారితీసింది. బన్నీ తదుపరి చిత్రం ప్రశాంత్ నీల్ తో ఉండొచ్చని కథనాలు ఎప్పటినుంచో వస్తున్నప్పటికీ.. ప్రశాంత్ నీల్ లైనప్ చూసి ఎవరూ సీరియస్ గా తీసుకోలేదు. కానీ.. ఇప్పుడు ప్రశాంత్-బన్నీలు గీతా ఆర్ట్స్ ఆఫీస్ లో కలవడం ఆ చర్చలకు ప్రాణం పోసింది.

వీళ్ళిద్దరి కాంబినేషన్ లో సినిమా ఎప్పుడు ఉంటుంది అనేది ప్రస్తుతానికి చెప్పలేం కానీ.. ప్రభాస్, యష్, ఎన్టీఆర్ వంటి టాప్ స్టార్స్ అనంతరం బన్నీతో సినిమా అంటే మాత్రం అంచనాలు మామూలుగా ఉండవు. సో, బన్నీ పాన్ ఇండియన్ స్టార్ గా ఎదగడానికి ఇప్పట్నుంచే అన్నీ పక్కాగా ప్లాన్ చేసుకుంటున్నాడు. చూద్దాం మరి ఏమవుతుందో?.

ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!