ప్రభాస్ ‘సాహో’ చిత్రం వచ్చే నెలలో విడుదల కాబోతుంది. గత రెండేళ్ళుగా ప్రభాస్ చిత్రం ఒక్కటి కూడా విడుదల కాలేదు. దీంతో ప్రభాస్ అభిమానులు ఎంతో ఆశక్తితో ‘సాహో’ చిత్రం కోసం ఎదురుచూస్తున్నారు. సుజీత్ డైరెక్షన్లో తెరకెక్కుతున్న ఈ చిత్రం ఆగష్టు 15 న విడుదల కాబోతుంది. ఇక ఈ చిత్రంతో పాటు రాధా కృష్ణకుమార్ డైరెక్షన్లో మరో చిత్రం చేయబోతున్న సంగతి తెలిసిందే. ఈ చిత్రానికి ‘జాన్’ అనే టైటిల్ ను పరిశీలిస్తున్నారు. 2020 సమ్మర్ కానుకగా ఈ చిత్రం విడుదల కానుంది. ఇక ఈ చిత్రం పూర్తయిన వెంటనే ప్రభాస్ తో ఓ సినిమా చేయాలని ఓ కన్నడ టాప్ డైరెక్టర్ తెగ ట్రై చేస్తున్నాడట.
ఇటీవల ‘యూవీ క్రియేషన్స్’ వారిని కలిసి ఈ కథ వినిపించగా.. వెంటనే గ్రీన్ సిగ్నల్ ఇచ్చేశారట. వాస్తవానికి మొదట ఈ కథని కన్నడ స్టార్ హీరో యశ్ కు వినిపించాడట. అయితే ఆ కథ నాకంటే.. ప్రభాస్ లాంటి పెద్ద హీరోకైతేనే బాగుంటుందని చెప్పాడట. అందుకే ఈ కన్నడ టాప్ డైరెక్టర్ ప్రభాస్ వద్దకు రాబోతున్నాడట. తాజాగా ప్రభాస్ హైదరాబాద్ వచ్చాడు. దీనికి సంబందించిన ఫోటోలు సోషల్ మీడియాలో తెగ వైరలవుతున్నాయి కూడా..! ఎలాగూ ప్రభాస్ హైదరాబాద్ లో ఉన్నాడు కాబట్టి ఈవారమే కలిసి ఆ కన్నడ టాప్ డైరెక్టర్ కథ చెప్పబోతున్నాడట. ఒకవేళ కథ నచ్చి డార్లింగ్ ఓకే చెప్తే ఈ ప్రాజెక్ట్ సెట్ అయ్యే అవకాశం ఉంది. లేకపోతే ఇదే కథని యూవీ క్రియేషన్స్ వారు మరో హీరోతో చేసే అవకాశం ఉందట. అయితే ఈ కన్నడ టాప్ డైరెక్టర్ ‘కె.జి.ఎఫ్’ డైరెక్టర్ ప్రశాంత్ నీల్ మాత్రం కాదట. మరి ఆ టాప్ డైరెక్టర్ ఎవరనేది మాత్రం సస్పెన్సుగానే ఉంది.
