మహేష్ బాబు హీరోగా వచ్చిన ‘భరత్ అనే నేను’ చిత్రంతో టాలీవుడ్ కు పరిచయమయ్యింది కైరా అద్వానీ. ఈ చిత్రంలో తన నటనకి, గ్లామర్ కి టాలీవుడ్ ఆడియన్స్ ఫిదా అయిపోయారు. అటు తరువాత చరణ్ తో చేసిన ‘వినయ విధేయ రామా’ చిత్రంతో కూడా ఆకర్షించి క్రేజీ హీరోయిన్ గా మారిపోయింది. ప్రస్తుతం బాలీవుడ్లో ‘అర్జున్ రెడ్డి’ రీమేక్ ‘కబీర్ సింగ్’ లో నటిస్తున్నఈ భామ తాజాగా అసలు అర్జున్ రెడ్డి ని కలుసుకుంది. అదేనండీ మన టాలీవుడ్ రౌడీ హీరో విజయ్ దేవరకొండని కలుసుకుంది. తాజాగా జరిగిన ‘హిందుస్థాన్ టైమ్స్ స్టైలిష్ అవార్డ్స్’ వేడుకలో కైరా, విజయ్ దేవరకొండలు సందడి చేసారు.
వీరిద్దరూ కలిసి ఉన్న ఓ పిక్ సోషల్ మీడియాలో తెగ హల్ చల్ చేస్తుంది. ఈ పిక్ చూసిన కొందరు నెటిజన్లు వీరిద్దరి కాంబినేషన్లో ఓ సినిమా వస్తే బాగుణ్ణు అంటూ కామెంట్లు పెడుతున్నారు. సేమ్ హైట్.. సూపర్ స్టైలిష్ గా ఈ పిక్ లో వీరిద్దరూ చూడ ముచ్చటగా ఉన్నారు. ఇద్దరికీ ప్రస్తుతం మంచి క్రేజ్ ఉంది. ఇక వీరిద్దరూ జంటగా ఓ సినిమా చేస్తే అది కచ్చితంగా ఓ రేంజ్లో ఉంటుందనడంలో సందేహం లేదు. మరి ఈ పిక్ చూసిన.. ఎవరో ఒక డైరెక్టర్.. లేదా నిర్మాత ఈ కాంబినేషన్ సెట్ చేసే ఆలోచన రాకుండా ఉంటుందా.. చూద్దాం.. ! ఇక విజయ్ దేవరకొండ నటిస్తున్న తాజా చిత్రం ‘డియర్ కామ్రేడ్’ మే 31 న విడుదల కాబోతుంది.
Home
