సందీప్ రెడ్డి వంగా మాటలతో నేను ఏకీభవించను: కైరా అద్వానీ

సందీప్ రెడ్డి “అర్జున్ రెడ్డి” సినిమాకి రీమేక్ గా బాలీవుడ్ లో రూపొందించిన “కబీర్ సింగ్” సృష్టించిన సంచలనాలకంటే అతను ఒక యూట్యూబ్ చానల్ కోసం ఇచ్చిన ఇంటర్వ్యూలో చేసిన వ్యాఖ్యలు చేసిన హల్ చల్ పెద్దది. ఒక లేడీ జర్నలిస్ట్ తో సందీప్ రెడ్డి వంగా “ఒకరి చెంప మీద మరొకరు కొట్టుకొనే స్వతంత్రం ఉన్నప్పుడే అది నిజమైన ప్రేమ” అని చెప్పినప్పుడు బాలీవుడ్ నుంచి మాత్రమే కాదు టాలీవుడ్ నుంచి కూడా తీవ్రమైయ వ్యతిరేకతను ఎదుర్కొన్నాడు సందీప్ రెడ్డి.

అయితే.. ఇప్పుడు సందీప్ రెడ్డి వంగా వ్యాఖ్యలను అతడి సినిమాలో హీరోయిన్ గా నటించిన కైరా అద్వానీ కూడా సమర్ధించకపోవడం చర్చనీయాంశంగా మారింది. ఇటీవల ఒక మీడియా గ్యాదరింగ్ లో కైరాను “మీ పార్ట్నర్ మిమ్మల్ని కొడితే ఉరుకుంటారా?” అని ప్రశ్నించగా.. “నాకు అలాంటి బిహేవియర్ నచ్చదు.. నా పార్ట్నర్ కి అలాంటి ఛాన్స్ ఇవ్వను” అని కుండబద్దలు కొట్టినట్లు చెప్పింది. మరి సినిమాలో అలాంటి పాత్రలో నటించారు కదా అంటే.. సినిమాకి, నిజజీవితానికి చాలా తేడా ఉంటుంది అని వివరించింది