దిల్ రాజు 50వ సినిమాకు సంబంధించి ఎంత త్వరగా ఫుల్‌ డీటైల్స్‌ ఇస్తే అంత బాగుంటుందేమో. ఎందుకుంటే రోజుకొక పుకారు వస్తూనే ఉంది. అవి నమ్మేలానే కనిపిస్తున్నాయి, వినిపిస్తున్నాయి. తాజాగా వస్తున్న పుకారు సుదీప్‌ గురించి. శంకర్‌ దర్శకత్వంలో రామ్‌చరణ్‌ నటించబోయే సినిమాలో కిచ్చా సుదీప్‌ను యాక్ట్ చేయించే ప్రయత్నాలు జరుగుతున్నాయట. సినిమాకు అన్ని భాషల్లో హైప్‌ తీసుకురావడం, ఆ నటుల అవసరం లాంటి కారణాల వల్ల ఇతర భాషల నటుల్ని తీసుకుంటుంటారు. ఆ కోవలోనే సుదీప్‌ ఇప్పుడు దిల్ రాజు 50లోకి వస్తున్నాడట.
రామ్‌చరణ్‌ – శంకర్‌ సినిమాకు సంబంధించిన చర్చలు గత కొన్ని రోజులుగా సాగుతూనే ఉన్నాయి. మరోవైపు నటీనటుల ఎంపిక కూడా జరుగుతోందట. అందులో భాగంగానే సుదీప్‌ పేరు చర్చకు వచ్చిందట. మెగా కుటుంబంతో సుదీప్‌కు మంచి అనుబంధమే ఉంది. ‘సైరా’లో చక్కటి పాత్రలో నటించాడు. కాబట్టి అడగ్గానే ఒప్పుకునే అవకాశం ఉంది. తెలుగులోనూ సుదీప్‌కు మంచి పేరు ఉంది ‘ఈగ’తో తెలుగువాళ్లకు ప్రీతిపాత్రుడైన విలన్‌ అయిపోయాడు. కాబట్టి దిల్ రాజు 50లో నటిస్తాడనే వినిపిస్తోంది.
మరోవైపు ఈ సినిమాకి ప్రముఖ తమిళ పాటల రచయిత వివేక్‌ స్క్రీన్‌ప్లే, డైలాగ్స్ అందిస్తాడని సమాచారం. వివేక్‌ గతంలో రజనీకాంత్‌ ‘దర్బార్‌’, ‘పేట’, విజయ్‌ ‘బిగిల్‌’, ‘సర్కార్‌’ వంటి తమిళ సినిమాలకు సాహిత్యం అందించారు. ధనుష్‌ ‘జగమే తంత్రం’కి తమిళంలో పాటలు రాశారు. ఆ సినిమాల పనితనం చూసి శంకర్‌… తమిళ వెర్షన్‌ కోసం వివేక్‌ను ఎంపిక చేసుకున్నాడని అంటున్నారు. మరి తెలుగులో ఎవరిని తీసుకుంటారో చూడాలి.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home