కిరణ్ అబ్బవరం(Kiran Abbavaram).. ‘రాజావారు రాణి గారు’ (Raja Vaaru Rani Gaaru) ‘ఎస్.ఆర్.కళ్యాణమండపం’ (SR Kalyanamandapam) సినిమాలతో ప్రామిసింగ్ హీరోగా ప్రూవ్ చేసుకున్నాడు. ఆ సినిమాలు మంచి ఫలితాలను అందుకోవడంతో అతనికి వరుస ఆఫర్లు క్యూలు కట్టాయి. ఈ క్రమంలో మార్కెట్ ఉంది కదా అని అతనికి.. నచ్చిన కథల్ని ఓకే చేసుకుంటూ పోయాడు ఈ యంగ్ హీరో. దీంతో ఫలితాలు తేడా కొట్టేశాయి. ‘సమ్మతమే’ (Sammathame) ‘వినరో భాగ్యము విష్ణు కథ’ (Vinaro Bhagyamu Vishnu Katha) వంటి సినిమాలు ఓకే అనిపించినా..లాభాలు తెచ్చిపెట్టిన సినిమాలుగా వాటిని చెప్పుకోలేం.
ఇక ‘మీటర్’ (Meter) ‘రూల్స్ రంజన్’ (Rules Ranjan) అయితే కిరణ్ అబ్బవరంకి పెద్ద షాక్ ఇచ్చాయి. దీంతో అతను ఆలోచనలో పడ్డాడు. వెంట వెంటనే సినిమాలు రిలీజ్ చేయడం కరెక్ట్ కాదు అని భావించి సెలక్టివ్ గా కథలు ఎంపిక చేసుకుంటున్నాడు. కిరణ్ అబ్బవరం ప్రస్తుతం ‘దిల్ రుబా’ అనే సినిమాలో నటిస్తున్నాడు. అలాగే సైలెంట్ గా మరో పాన్ ఇండియా సినిమాని కంప్లీట్ చేశాడు. దర్శక ద్వయం సుజీత్, సందీప్ తెరకెక్కించిన సినిమా ఇది.
దాదాపు రూ.20 కోట్ల బడ్జెట్ తో రూపొందింది. తెలుగుతో పాటు తమిళ, కన్నడ, మలయాళ, హిందీ భాషల్లో ఏకకాలంలో రిలీజ్ కానుంది ఈ సినిమా.సెప్టెంబర్ లేదా అక్టోబర్లో ఈ సినిమా ప్రేక్షకుల ముందుకు వచ్చే ఛాన్సులు ఉన్నాయి. ఇది కనుక హిట్ అయితే కిరణ్ అబ్బవరం మార్కెట్ పెరిగే అవకాశాలు ఉన్నాయి. త్వరలోనే ఈ ప్రాజెక్టుకు సంబంధించిన ఫస్ట్ లుక్, గ్లింప్స్ రిలీజ్ అయ్యే అవకాశాలు ఉన్నాయి.
