INDRAPUTRA: కిరణ్‌ అబ్బవరం స్థాయిని పెంచుతున్నాడు… తొలి పాన్‌ ఇండియా టైటిల్‌ ఇదే

ఈ హీరో సినిమాల్లోకి వచ్చిన కొత్తల్లో స్టార్‌ హీరో అవుతాడు అని చాలా తక్కువ మందే అనుకుని ఉంటారు. వాళ్లు అనుకున్నట్లుగానే వరుస సినిమాలకు ఆశించిన ఫలితాలు రాక.. కెరీర్‌ మందుకు వెళ్తుందా అనే డౌటనుమానం కలిగింది. అయితే అనూహ్యంగా పుంజుకున్న ఆ హీరో.. ఇప్పుడు ఏకంగా పాన్‌ ఇండియా సినిమానే స్టార్ట్‌ చేశాడు. ఇప్పుడు ఆ సినిమా టైటిల్‌ను అనౌన్స్‌ చేశారు. ఆ టైటిల్‌ ప్రకారం చూస్తుంటే.. ఈ సినిమా సూపర్‌ పవర్స్‌ ఉన్న సూపర్‌ హీరో సినిమా అని అర్థమవుతోంది. అలాగే ఈ సినిమా ఓ సిరీస్‌ అని కూడా తెలుస్తోంది.

INDRAPUTRA

పైన చెప్పిన ఉపోద్ఘాతమంగా ఇటీవలే ‘చెన్నై లవ్‌స్టోరీ’తో మంచి విజయం, పేరు సంపాదించుకున్న కిరణ్‌ అబ్బవరం గురించే. ఇప్పుడాయన హీరోగా ‘ఇంద్రపుత్ర: ఫస్ట్‌ చాప్టర్‌’ అనే పేరుతో ఓ సినిమా చేస్తున్నారు. ఈ సినిమాకు శ్రీకాంత్‌ పుప్పాల దర్శకత్వం వహిస్తున్నారు. జీ స్టూడియోస్, ప్రేరణ అరోరా కలసి నిర్మిస్తున్నారు. ఈ సినిమాని ఇటీవల అధికారికంగా ప్రకటించారు. అక్టోబరు నుండి సినిమా రెగ్యులర్‌ చిత్రీకరణ మొదలవుతుంది. వచ్చే ఏడాది రిలీజ్‌ చేస్తారట.

ఈ సినిమా అనౌన్స్‌మెంట్‌ నేపథ్యంలో నిర్మాత ప్రేరణ అరోరా మాట్లాడుతూ మన పురాణాల్లో ధర్మానికి.. అధర్మానికి మధ్య జరిగే పోరాటాన్ని స్ఫూర్తిగా తీసుకుని నేటి ట్రెండ్‌కి తగ్గట్టు నిర్మిస్తున్నామని చెప్పారు. అలాగే ఓ సరికొత్త సినిమాటిక్‌ వరల్డ్‌ని సృష్టించబోతున్నామని కూడా చెప్పారు. ఈ సినిమాలో కిరణ్‌ అబ్బవరం ఓ శక్తిమంతమైన పాత్రలో కనిపించనున్నాడనీ చెప్పారు. ప్రస్తుతం ప్రీ ప్రొడక్షన్‌ జరుగుతోందని ఆ తర్వాత సినిమా షూటింగ్‌ ప్రారంభిస్తామని చెప్పారు.

ప్రస్తుతం కిరణ్‌ అబ్బవరం చేతిలో వరుస సినిమాలు ఉన్నాయి. ఓ వెబ్‌సిరీస్‌ కూడా ఉంది. ఆయన చేతిలో ఉన్న సినిమాల్లో ఒకటి స్వీయ దర్శకత్వంలో రూపొందుతోంది. చేయాల్సిన సినిమాలో సుకుమార్‌ బ్రాండ్‌ నుండి వచ్చిన వీరా కొగటం సినిమా కూడా ఉంది.

జ్వరంతో ఈవెంట్‌కి వచ్చిన కామాక్షి… స్టేజీపైనే కన్నీళ్లు పెట్టుకుంటూ…