చిరు ప్రాజెక్ట్ లో కోన హ్యాండ్!

February 10, 2021 / 12:53 PM ISTByFilmy Focus

Join Us

రచయితగా ఎన్నో హిట్ సినిమాలకు పని చేసిన కోన వెంకట్ ఆ తరువాత నిర్మాణంలోకి దిగాడు. కొంతకాలంగా రచన బాధ్యతలకు దూరంగా ఉంటూ ప్రొడక్షన్ పనులు మాత్రమే చూసుకుంటున్నాడు. మధ్యలో ఒకట్రెండు సినిమాలకు మాత్రం రచనా సహకారం అందించాడు. ఆ సినిమాలు పెద్దగా ఆడలేదు కూడా. అయితే మళ్లీ ఇంతకాలానికి ఓ భారీ చిత్రానికి కోన వెంకట్ రచయితగా పని చేయబోతున్నట్లు సమాచారం. అది కూడా మెగాస్టార్ సినిమా కోసం కావడం విశేషం.

దర్శకుడు బాబీతో కలిసి చిరంజీవి సినిమా చేయబోతున్న విషయాన్ని అనౌన్స్ చేసిన సంగతి తెలిసిందే. మైత్రి మూవీ మేకర్స్ బ్యానర్ పై ఈ సినిమా రూపొందనుంది. ఈ సినిమాకి స్క్రిప్ట్ కూడా దాదాపు పూర్తి కావొస్తుందని సమాచారం. ఈ స్క్రిప్ట్ విషయంలో కోన వెంకట్ రచనా సహకారం అందిస్తున్నారని తెలుస్తోంది. అలానే ‘పంతం’ ఫేమ్ దర్శకుడు చక్రవర్తి కూడా ఈ సినిమాకు పని చేస్తున్నారని సమాచారం. గతంలో దర్శకుడు బాబీ రూపొందించిన ‘పవర్’, ‘జై లవకుశ’ సినిమాలకు కోన రచయితగా పని చేశాడు.

కోన వెంకట్ ను గురువులా భావిస్తుంటారు బాబీ. అందుకే మెగాస్టార్ సినిమా కోసం ఆయన్ని రంగంలోకి దింపాడు. కొన్నేళ్లుగా రచనకు దూరంగా ఉన్నా.. మెగాస్టార్ సినిమా కావడంతో కోన కూడా ఆసక్తి చూపినట్లు తెలుస్తోంది. మరి మెగాస్టార్ సినిమా కోసం కోన వెంకట్ తన కాలానికి పదును పెట్టి ప్రేక్షకులను ఆకట్టుకుంటాడేమో చూడాలి!