మెగా ఫ్యామిలీకి చెందిన హీరోని అలాగే నందమూరి ఫ్యామిలీకి చెందిన హీరోని పెట్టి.. ‘ఆర్.ఆర్.ఆర్’ అనే బడా మల్టీస్టారర్ చిత్రాన్ని తెరకెక్కించాడు దర్శకుడు రాజమౌళి. ఈ చిత్రం కోసం ప్రపంచమంతా ఎదురుచూస్తుంది. విడుదల చేసిన ప్రోమోలు కానీ రెండు సాంగ్స్ కానీ ఔరా అనిపించే విధంగా ఉన్నాయి. అయితే రాజమౌళిలా అద్భుతమైన విజువల్స్ ను సృష్టించే కెపాసిటీ లేకపోయినా.. టాలీవుడ్లో ప్రస్తుతం రాజమౌళి తర్వాత అపజయమెరుగని దర్శకుడిగా కొరటాల శివ దూసుకుపోతున్నాడు.
ప్రస్తుతం మెగాస్టార్ చిరంజీవితో ‘ఆచార్య’ చిత్రాన్ని తెరకెక్కిస్తున్న కొరటాల.. అటు తర్వాత ఎన్టీఆర్ తో ఓ సినిమా చేయాలి. అయితే బాలకృష్ణతో కూడా కొరటాల శివ ఓ సినిమా చేసే అవకాశాలు ఉన్నాయట. ఇది ఓ మల్టీస్టారర్ గా రూపొందనుందని సమాచారం. ప్రస్తుతం టాలీవుడ్ ను ఏలుతున్న టాప్ 3 హీరోల్లో ఒకరు బాలయ్యతో పాటు నటించేలా కొరటాల ప్రయత్నాలు మొదలుపెడుతున్నట్టు సమాచారం. ఆ టాప్ 3 హీరోల్లో ఎవరై ఉంటారా? అనే ప్రశ్న ఇప్పుడు ఇండస్ట్రీలో అలాగే సోషల్ మీడియాలో చక్కర్లు కొడుతోంది.
కొరటాలకి అందరి స్టార్ హీరోలతో సాన్నిహిత్యం ఉంది. అతనితో సినిమా చేయాలని అందరూ ఆశపడుతున్నారు. అయితే ఎవరు ఈ మల్టీస్టారర్ కథని ఓకే చేస్తారు అనేది కూడా ఆసక్తిని పెంచే విషయం.ఇక మరోపక్క బాలకృష్ణ వరుస ప్రాజెక్టులతో బిజీగా గడుపుతున్నారు. ‘అఖండ’ కంప్లీట్ అయ్యింది.. తర్వాత గోపీచంద్ మలినేని దర్శకత్వంలో ఓ సినిమా చేస్తాడు. అటు తర్వాత అనిల్ రావిపూడి లైన్లో ఉన్నాడు. మరి కొరటాలతో సినిమా ఎప్పుడు మొదలవుతుందో చూడాలి..!
Most Recommended Video
ప్రకటనలతోనే ఆగిపోయిన మహేష్ బాబు సినిమాలు ఇవే..!
రాజా విక్రమార్క సినిమా రివ్యూ & రేటింగ్!
3 రోజెస్ వెబ్ సిరీస్ రివ్యూ & రేటింగ్!
