మళ్ళీ అదే ఫార్ములా రిపీట్ చేస్తున్న కొరటాల..!

గతేడాది ‘సైరా నరసింహారెడ్డి’ చిత్రంతో ఓ చారిత్రాత్మక సినిమా చేసి ప్రేక్షకుల ముందుకు వచ్చారు మన మెగాస్టార్ చిరంజీవి. ఆ చిత్రానికి క్రిటిక్స్ నుండీ ప్రశంసలు దక్కాయి కానీ.. చిరు ఫ్యాన్స్ ను మెప్పించే మాస్ ఎలిమెంట్స్ లేకపోవడం వల్ల.. కమర్షియల్ గా సక్సెస్ కాలేకపోయింది. దీంతో కొరటాల శివ డైరెక్షన్ లో చేస్తున్న ‘ఆచార్య’ చిత్రంలో మాత్రం మెగా ఫ్యాన్స్ కు కావాల్సిన అన్ని ఎలిమెంట్స్ ఉండేలా చూసుకుంటున్నారట మెగాస్టార్ చిరంజీవి.

కొరటాల శివ కూడా తన సినిమాల్లో హీరో ఫ్యాన్స్ ను సంతృప్తి పరిచే మాస్ ఎలిమెంట్స్ ఉండేలా చూసుకుంటాడన్న సంగతి తెలిసిందే. ఇక అధికారికంగా ప్రకటించలేదు కానీ.. ఈ చిత్రంలో ముగ్గురు లేదా నలుగురు హీరోయిన్లు ఉండే అవకాశం ఉందట. మెగాస్టార్ సరసన నటించబోయే కాజల్ తో పాటు చరణ్ పక్కన ఓ హీరోయిన్ అలాగే ఐటెం సాంగ్ కోసం రెజినా వంటి భామలు తీసుకుంటున్నారని వినికిడి. అంతే కాకుండా తమన్నా కూడా నటించే అవకాశాలు ఉన్నాయట. ఇదిలా ఉండగా.. ఈ చిత్రంలో చిరంజీవి పాత్ర రెండు షేడ్స్ లో ఉంటుందని తెలుస్తుంది.

ఒక పాత్రలో లెక్చరర్ గా మరో పాత్రలో నక్సలైట్ గా ఆయన కనిపించబోతున్నారట. ఆయన పాత్ర ‘జనతా గ్యారేజ్’ లో ఎన్టీఆర్ పాత్రను పోలి ఉంటుందని గతంలో మెగాస్టారే ఓ ఇంటర్వ్యూలో చెప్పుకొచ్చారు. ప్రకృతి వనరులను కాపాడడానికి మెగాస్టార్ పోరాడుతుంటారట. ఇక చరణ్ కూడా ఈ చిత్రంలో కీలక పాత్ర పోషిస్తున్న సంగతి తెలిసిందే. ఈయన పాత్ర చుట్టూనే కథ మొత్తం తిరుగుతుందని వినికిడి.

Most Recommended Video

చిరంజీవి, బాలకృష్ణలు తలపడిన 15 సందర్భాలు!
తమ ఫ్యామిలీస్ తో సీరియల్ ఆర్టిస్ట్ ల.. రేర్ అండ్ అన్ సీన్ పిక్స్..!
ఇప్పటివరకూ అత్యధిక కలెక్షన్లను రాబట్టిన తెలుగు సినిమాలు ఇవే!