Kotha Lokah Chapter 1 Collections: వీకెండ్..కే 70 శాతం పైనే రికవరీ సాధించిన ‘కొత్త లోక’

September 1, 2025 / 07:50 PM ISTByPhani Kumar

Join Us

నస్లెన్, కళ్యాణి ప్రియదర్శన్ ప్రధాన పాత్రల్లో ‘కొత్త లోక చాప్టర్ 1: చంద్ర’ సినిమా రూపొందింది. మలయాళంలో రూపొందిన ఈ చిత్రం తెలుగుతో పాటు పలు భాషల్లో డబ్ అయ్యింది.’వేఫేరర్ ఫిలిమ్స్’ బ్యానర్ పై దుల్కర్ సల్మాన్ ఈ చిత్రాన్ని నిర్మించాడు. ఆగస్టు 29న ఈ చిత్రం రిలీజ్ అయ్యింది. తెలుగు వెర్షన్ మార్నింగ్ షోలు మిస్ అవ్వడంతో.. ఈవినింగ్ షోలతో రిలీజ్ అయ్యింది అని చెప్పాలి.

Kotha Lokah Chapter 1 Collections

మొదటి రోజు సినిమాకు పాజిటివ్ టాక్ రావడంతో… ఇక్కడ కూడా మంచి ఓపెనింగ్స్ సాధించింది. డామినిక్ అరుణ్ డైరెక్షన్ తెలుగు ఆడియన్స్ కి కూడా కొత్త ఫీలింగ్ ఇచ్చింది. ‘సితార..’ నాగవంశీ తెలుగులో ఈ చిత్రాన్ని విడుదల చేశారు. మొదటి వీకెండ్ కలెక్షన్స్ ను ఒకసారి గమనిస్తే :

ఏపీ+తెలంగాణ	1.90 cr (షేర్)
కేరళ	8.95 cr
రెస్ట్ ఆఫ్ ఇండియా	4.4 cr
ఓవర్సీస్	22.08 cr
వరల్డ్ టోటల్	37.33 cr (షేర్)

‘కొత్త లోక చాప్టర్ 1: చంద్ర’ చిత్రం ప్రపంచ వ్యాప్తంగా రూ.20 కోట్ల టార్గెట్ తో బరిలోకి దిగింది. అయితే 3 రోజుల్లోనే ఈ సినిమా రూ.37.33 కోట్ల షేర్ ను రాబట్టి.. బ్రేక్ ఈవెన్ సాధించడమే కాకుండా.. రూ.17.33 కోట్ల లాభాలు అందించింది. తెలుగులో రూ.2.5 కోట్ల బ్రేక్ ఈవెన్ టార్గెట్ తో బరిలోకి దిగిన ఈ సినిమా మొదటి వీకెండ్ కే రూ.1.9 కోట్ల షేర్ ను రాబట్టింది. బ్రేక్ ఈవెన్ కి మరో రూ.0.60 కోట్ల షేర్ ను రాబట్టాల్సి ఉంది.