Pawan Kalyan, Krish: పవన్‌ సినిమాకు ఆ మాత్రం జోష్‌ లేకపోతే ఎలా?

పవన్‌ కల్యాణ్‌ ప్రస్తుతం చేస్తున్న సినిమాలేంటి? అనగానే ‘భీమ్లా నాయక్‌’ అని చెప్పేస్తారు. తర్వాత ఏ సినిమా చేస్తాడు అని అడిగితే హరీశ్‌ శంకర్‌ – మైత్రీ మూవీ మేకర్స్‌ వాళ్ల సినిమా చేస్తాడు అని చెబుతారు. అయితే ఈ రెండింటి మధ్యలో ఓ సినిమా ఉందనే విషయం చాలామందికి తెలిసినా… మరచిపోతున్నారు. కారణం ఆ సినిమాకు సరైన ప్రచారం లేకపోవడమే. సినిమా ప్రారంభం నుండి… ప్రస్తుత స్థితి వరకు అన్నీ గోప్యంగానే సాగుతున్నాయి. దీంతో హైప్‌ పెరగడం లేదు.

క్రిష్‌ చాలా వేగంగా సినిమాలు పూర్తి చేస్తారనే విషయం తెలిసిందే. అయితే అదే రేంజిలో సినిమా ప్రచారం మాత్రం చేయరని అంటుంటారు. పవన్‌ కల్యాణ్‌ లాంటి హీరోతో సినిమా చేస్తున్నప్పుడు దానికి తగ్గ ప్రచారం ఉండాలి అంటారు. ‘భీమ్లా నాయక్‌’ సినిమా చూడండి… సినిమా మొదలైనప్పటి నుండి ఇప్పటివరకు ఏదో ఒక అప్‌డేట్‌, లీక్‌ ఇస్తూనే ఉన్నారు. దీంతో సినిమా ప్రేక్షకుల నోళ్లలో నానుతోంది. ఇక హరీశ్‌ శంకర్‌ అయితే సినిమా మొదలవ్వకుండానే మాట్లాడుకునేలా చేస్తున్నారు.

‘హరి హర వీరమల్లు’ అనే పేరుతో తప్ప పవన్‌ -క్రిష్‌ సినిమా గురించి ప్రేక్షకులకు పెద్దగా తెలిసింది లేదు. ప్రత్యేక రోజుల్లో సినిమాకు సంబంధించి లుక్‌, గ్లింప్స్‌, టీజర్‌ లాంటివి విడుదల చేస్తే బాగుంటుంది. ఆ మధ్య ఎప్పుడో టైటిల్‌తో పాటు చిన్న బిట్‌ ఇచ్చారు. అది చూసే జనాలు ఊగిపోయారు. అలాంటిది ఎప్పటికప్పుడు సమాచారం ఇస్తే ఇంకెంత ఊగిపోతారో. త్వరలో పవన్‌ పుట్టిన రోజు రాబోతోంది. ఆ రోజైనా ఏదైనా స్పెషల్‌ ఉంటుందో లేక… ఈ రోజు నిధి అగర్వాల్‌కు విష్‌ చేసినట్లు ఓ మాదిరి పోస్టర్‌ను విడుదల చేసి ఉసూరుమనిపిస్తారో చూడాలి.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!