బుల్లితెర ప్రసారమయ్యే టీవీ షోలలో లేదా పలు ఇంటర్వ్యూలలో ఓ సెలబ్రిటీకి మరో సెలబ్రిటీ ప్రాంక్ కాల్ చేస్తుండడం మనం చూస్తూనే ఉన్నాం. ఆ టీవీ షోలలో ఇలాంటి గేమ్ షోలు కూడా ఉంటాయి. చాలా వరకు ఇవి స్క్రిప్టెడ్ అయినప్పటికీ షో టెలికాస్ట్ అయినప్పుడు చూసిన జనాలు మాత్రం సర్ప్రైజింగ్ ఫీలవుతూ ఉంటారు. దీనిని ఆ షోలో ఓ గేమ్ గా పెట్టి పాయింట్లు ఇస్తుంటారు హోస్ట్ గా చేస్తున్న సెలబ్రిటీలు.
‘కాఫీ విత్ కరణ్’ లో కరణ్ కూడా ఇలాంటి గేమ్ ఉంటుంది. కొత్త ఎపిసోడ్లలో పాల్గొనే స్టార్లతో ఈ గేమ్ ఆడిస్తాడు కరణ్.ఈ టాక్ షో అక్కడ సూపర్ సక్సెస్ సాధించింది. ఇప్పుడు సీజన్ 7 రన్ అవుతుంది. తాజా ఎపిసోడ్ కు హీరోయిన్ కృతి సనన్, హీరో టైగర్ ష్రాఫ్ లు వచ్చి సందడి చేశారు. అయితే ప్రాంక్ కాల్ గేమ్ వద్దకు వచ్చేసరికి కృతి సనన్ ప్రభాస్ కి ప్రాంక్ కాల్ చేసింది.
‘కాఫీ బింగో’ పేరుతో ఆడిన ఈ గేమ్లో కంటెస్టెంట్ ఎవరైనా ఒక సెలబ్రిటీకి ఫోన్ చేసి ‘హే కరణ్ ఇట్స్ మీ’ అని చెప్పించాలి. దీంతో వారికి పాయింట్లు వస్తాయి. కరణ్… కౌంట్ స్టార్ట్ అనగానే కృతి… మన రెబల్ స్టార్ ప్రభాస్ కు కాల్ చేసింది.ఆమె ‘హాయ్ ప్రభాస్..’ అనగానే ‘హాయ్ కృతి’ అంటూ ప్రభాస్ విష్ చేశాడు. తర్వాత ఆమె కాఫీ విత్ కరణ్ షో లో ఉన్నట్లు చెప్పి ఫోన్ కరణ్ జోహార్ వద్దకు తీసుకెళ్లింది.
అప్పుడు కరణ్.. ‘హే బాహుబలి’ అనగానే, ప్రభాస్.. ‘హే కరణ్ ఇట్స్ మీ’ అని చెప్పాడు.దీంతో కృతి సనన్ కు పాయింట్లు వచ్చాయి. అటు వైపు ఉన్న టైగర్ ష్రాఫ్ కి ఎవరి ఫోన్ కు లైన్ కలవకపోవడంతో కృతి కి పాయింట్లు దక్కాయి. ఇక ప్రభాస్ బాలీవుడ్లో నటిస్తున్న స్ట్రైట్ మూవీ ‘ఆదిపురుష్’ లో కృతి సనన్ హీరోయిన్ గా నటిస్తున్న సంగతి తెలిసిందే. ఈ మూవీలో ఆమె సీత పాత్రలో కనిపించనుంది.
Most Recommended Video
‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!
Home