Kuberaa: అక్కడ ‘కుబేర’ ని పట్టించుకోవడం లేదు.. వాళ్ళు మారరా?

మంచి సినిమాని ప్రేమించడంలో, మంచి సినిమాలు ఆదరించడంలో తెలుగు ప్రేక్షకులను మించిన వాళ్ళు లేరు అని పరభాషా హీరో, హీరోయిన్లు మన తెలుగు వాళ్ళని తెగ పొగిడేస్తూ ఉంటారు. అది చాలా వరకు నిజమే. కానీ కొత్త కథలు, ప్రయోగాత్మక సినిమాలు మన తెలుగు హీరోలు తీస్తే మన వాళ్ళు ఎంకరేజ్ చేయరు. కానీ పరభాషా హీరోలు, అందులోనూ ముక్కు, మొహం తెలియని పరభాషా హీరోలు చేస్తే.. వాళ్ళని నెత్తిన పెట్టేసుకుంటారు.

Kuberaa

ఇంకా చెప్పాలంటే మన తెలుగు సినిమాలను పక్కన పెట్టేసి మరీ వాళ్ళ సినిమాలకే బ్రహ్మరథం పడతారు. ఆ రకంగా మన తెలుగు ప్రేక్షకులు చాలా గ్రేట్. అందుకే పక్క భాషల నటీనటులకు, సాంకేతిక నిపుణులకు ఇక్కడ భారీ డిమాండ్ ఏర్పడుతుంది. తమిళ స్టార్ దర్శకులు కూడా మన తెలుగులో ఉన్న టాప్ హీరోలతో సినిమాలు చేయగలుగుతున్నారు.

కానీ మన తెలుగు సినిమాలను నార్త్ ఆడియన్స్ తప్ప మిగిలిన భాషల్లోని ప్రేక్షకులు అంతగా ఆదరించరు. ముఖ్యంగా తమిళ జనాలకు తెలుగు సినిమా అంటే చాలా చిన్న చూపు. ఆఖరికి మన తెలుగు దర్శకులు తమిళ హీరోలతో సినిమాలు చేసినా వాటిని ఆదరించని దారుణమైన పరిస్థితి ఏర్పడుతుంది. దానికి లేటెస్ట్ ఎగ్జామ్పుల్ ‘కుబేర’ (Kuberaa) . శేఖర్ కమ్ముల (Sekhar Kammula) దర్శకత్వంలో నాగార్జున (Nagarjuna), ధనుష్ (Dhanush) కాంబినేషన్లో ‘కుబేర’ (Kuberaa) రూపొందింది.

ధనుష్ (Dhanush) తమిళ స్టార్ హీరో అయినప్పటికీ.. అక్కడి జనాలు ‘కుబేర’ ని పట్టించుకోవడం లేదు. అడ్వాన్స్ బుకింగ్స్ చాలా దారుణంగా ఉన్నాయి. తెలుగు సినిమాని అరవ బ్యాచ్ ఎంత తక్కువ చేసి చూస్తారో.. దీన్ని బట్టి అర్థం చేసుకోవచ్చు. దీనికి ముందు వెంకీ అట్లూరి (Venky Atluri)  దర్శకత్వంలో ధనుష్ చేసిన ‘సార్’ (Vaathi) సినిమాకి కూడా ఇలాంటి సీనే రిపీట్ అయ్యింది. అంతకు ముందు నాగార్జున – కార్తీ కాంబినేషన్లో వచ్చిన ‘ఊపిరి’ (Oopiri) ని కూడా తమిళ జనాలు పట్టించుకోలేదు.

ఓటీటీల డామినేషన్ అంటున్నవాళ్లు.. ఆ విషయంలో నోరు మెదపరేంటి..!