‘రుద్రమదేవి’ టు ‘ఆదిపురుష్’… నాసిరకం వి.ఎఫ్.ఎక్స్ తో డిజప్పాయింట్ చేసిన 10 సినిమాలు

వందల కోట్లు పెట్టి ద్విభాషా చిత్రాలు, పాన్ ఇండియా సినిమాలు చేస్తున్నారు దర్శక నిర్మాతలు. కానీ ఆ సినిమాల్లో క్వాలిటీ విజువల్స్/ వి.ఎఫ్.ఎక్స్ ఉండటం లేదు. అలా వి.ఎఫ్.ఎక్స్ పరంగా నిరాశపరిచిన 10 పెద్ద సినిమాలు ఏంటో ఇప్పుడు ఓ లుక్కేద్దాం రండి :

Movies

1) అవతారం (Avatharam):

దివంగత స్టార్ దర్శకులు కోడి రామకృష్ణ (Kodi Ramakrishna) గారు టెక్నాలజీ పెద్దగా అందుబాటులో లేని రోజుల్లో కూడా ‘అమ్మోరు’ (Ammoru) ‘దేవి’ (Devi) ‘దేవీపుత్రుడు’ ‘దేవుళ్ళు’ ‘అంజి’ (Anji) వంటి సినిమాల్లో అదిరిపోయే గ్రాఫిక్స్ వర్క్ తో మెస్మరైజ్ చేశారు. ఇప్పటి ఫిలిం మేకర్స్ ఎవరైనా విజువల్ ఎఫెక్ట్స్ తో కూడిన సినిమాలు తీయాలి అనుకుంటే.. ఆ సినిమాలు టెక్స్ట్ బుక్స్ లా డిజైన్ చేశారు. కానీ ఆయన చివరి రోజుల్లో ‘అవతారం’ అనే సినిమాని డైరెక్ట్ చేశారు. ఇందులోని వి.ఎఫ్.ఎక్స్ చాలా నాసిరకంగా అనిపిస్తాయి. బహుశా బడ్జెట్ సరిగ్గా కుదరకపోవడం వల్లనో ఏమో కానీ.. ‘అవతారం’ వి.ఎఫ్.ఎక్స్ డిజప్పాయింట్ చేశాయి.

2) పులి (Puli):

2015 లో విజయ్ (Vijay Thalapathy) హీరోగా ‘పులి’ (Puli) అనే సినిమా వచ్చింది. శృతి హాసన్ (Shruti Haasan) ఇందులో హీరోయిన్. ‘బాహుబలి’ (Baahubali) ఆఫర్ ను రిజెక్ట్ చేసిన శ్రీదేవి (Sridevi) ఇందులో విలన్ రోల్ చేశారు. అది కూడా శివగామి టైపు రోల్. సినిమా పెద్ద డిజాస్టర్. ఫలితం సంగతి ఎలా ఉన్నా.. ఇందులోని వి.ఎఫ్.ఎక్స్ మాత్రం చాలా దారుణంగా ఉంటాయి.

3) రుద్రమదేవి (Rudhramadevi):

2015 లోనే ఈ సినిమా కూడా వచ్చింది. గుణశేఖర్ (Gunasekhar) దర్శకత్వం వహించిన ఈ సినిమాలో అనుష్క ప్రధాన పాత్ర పోషించడం జరిగింది. ఈ సినిమాలో వి.ఎఫ్.ఎక్స్ వర్క్ చాలా అంటే చాలా దారుణంగా ఉంటుంది. అల్లు అర్జున్ (Allu Arjun) పాత్ర సినిమాని భారీ నష్టాల బారిన పడకుండా కాపాడింది కానీ.. లేదంటే ఆ వి.ఎఫ్.ఎక్స్ కి మరింతగా ట్రోల్ అయ్యి ఉండేది సినిమా.

4)సన్ ఆఫ్ ఇండియా (Son of India):

మోహన్ బాబు (Mohan Babu) ప్రధాన పాత్ర పోషించిన ఈ సినిమాకి డైమండ్ రత్నబాబు దర్శకుడు. మంచు విష్ణు (Vishnu Manchu) దీనికి నిర్మాత. ప్రొడక్షన్ వాల్యూస్ గురించి ఎంత తక్కువ మాట్లాడుకుంటే అంత మంచిది. కానీ ఒక పాటని రూ.2 కోట్లు పెట్టి భారీగా తీశామని అన్నారు. కానీ అందులోని విజువల్స్ రూ.2 లక్షలతో తీసిన యూట్యూబ్ సాంగ్స్ కంటే చీప్ గా ఉంటాయి. దీంతో ఆ పాటని సోషల్ మీడియాలో దారుణంగా ట్రోల్ చేశారు.

5) ఆచార్య (Acharya):

మెగాస్టార్ చిరంజీవి (Chiranjeevi) – కొరటాల శివ (Koratala Siva) కాంబినేషన్లో వచ్చిన సినిమా ఇది. దీని కథ, ఫలితం ఎలా ఉన్నా.. ఒక షాట్లో వింటేజ్ చిరుని చూపించే ప్రాసెస్ అనుకుంట. అక్కడ వాడిన వి.ఎఫ్.ఎక్స్ ఓ దశాబ్ద కాలం ట్రోల్ చేసుకునే విధంగా ఉంటాయి.

6) సర్కారు వారి పాట (Sarkaru Vaari Paata) :

మహేష్ బాబు (Mahesh Babu) హీరోగా పరశురామ్(బుజ్జి) (Parasuram) దర్శకత్వంలో తెరకెక్కిన సినిమా ఇది. ఈ సినిమా పర్వాలేదు అనిపించేలా ఆడింది. కానీ ఇందులో కొన్ని విజువల్స్ చాలా దారుణంగా ఉంటాయి. మహేష్ బాబు (Mahesh Babu) సినిమాలో వి.ఎఫ్.ఎక్స్ ఇంత నాసిరకంగా ఉండటం ఏంటి అని.. అంతా నెత్తి నోరు కొట్టుకునే విధంగా ఉంటాయి. కావాలంటే ఇంకోసారి.. ఈ సినిమాని ఓటీటీలో చూడండి మీకే అర్థమవుతుంది

7)శాకుంతలం (Shaakuntalam):

సమంత (Samantha) ప్రధాన పాత్రలో తెరకెక్కిన సినిమా ఇది. గుణశేఖర్ (Gunasekhar) దర్శకుడు. సినిమా కథ చాలా మందికి తెలిసిందే. విజువల్ గా టాప్ నాచ్ అనే విధంగా ఉంటుంది అని మేకర్స్ ప్రమోషన్స్ లో ఊదరగొట్టారు. కట్ చేస్తే.. అవి చాలా దారుణంగా ఉన్నాయి. అందువల్ల ఈ సినిమాని మరింతగా ట్రోల్ చేశారు.

8)ఆదిపురుష్ (Adipurush):

ప్రభాస్ (Prabhas) హిందీలో చేసిన స్ట్రైట్ మూవీ ఇది. ఓం రౌత్ (Om Raut) దర్శకుడు. ఈ సినిమా మొత్తం గ్రీన్ మ్యాట్లో తీసిందే. వి.ఎఫ్.ఎక్స్ ఏమైనా బాగుంటాయా అంటే.. కామన్ ఆడియన్స్ ని మాత్రమే కాదు, ఫ్యాన్స్ ను కూడా దారుణంగా హర్ట్ చేసింది అవే అని చెప్పాలి. గ్లింప్స్ తోనే వి.ఎఫ్.ఎక్స్ ఎంత దారుణంగా ఉంటాయో ఓ హింట్ ఇచ్చారు. కానీ ఎందుకో కొంచెం టైం తీసుకున్నారు కదా.. తర్వాత బెటర్మెంట్ చేశారేమో అనుకుంటాం. అయినా సరే.. మేకర్స్ ఆశించిన ఔట్పుట్ ఇవ్వలేదు.

9) గేమ్ ఛేంజర్ (Game Changer):

శంకర్ (Shankar) దర్శకత్వంలో రాంచరణ్ (Ram Charan) హీరోగా నటించిన సినిమా ఇది. ఈ ఏడాది సంక్రాంతికి వచ్చింది. శంకర్ (Shankar) సినిమా అంటే కచ్చితంగా క్వాలిటీ విజువల్స్ ఆశిస్తారు ప్రేక్షకులు. కానీ శంకర్ ఈ విషయంలో చాలా డిజప్పాయింట్ చేశారు. సాంగ్స్ లో కూడా విజువల్స్ చాలా సిల్లీగా అనిపిస్తాయి.

10) విశ్వంభర (Vishwambhara):

చిరంజీవి (Chiranjeevi)- దర్శకుడు మల్లిడి వశిష్ట్ (Mallidi Vassishta) కాంబినేషన్లో రూపొందుతున్న సినిమా ఇది. ఆల్రెడీ టీజర్ వచ్చింది. అందులోని విజువల్స్ ను నెటిజన్లు ఏ రేంజ్లో ట్రోల్ చేశారో మనం చూశాం. సినిమాలో విజువల్స్ ఎలా ఉంటాయో అని కూడా ఫ్యాన్స్ భయపడుతున్నారు.

 స్మశానం ముందు కూడా హౌస్ ఫుల్ బోర్డు.. ట్రైలర్ ఎలా ఉందంటే?