2019 లో మలయాళంలో రూపొందిన ‘లూసిఫర్’ సినిమా అక్కడ మంచి విజయాన్ని అందుకుంది. తర్వాత తెలుగులో కూడా డబ్ చేశారు. ఇక్కడ కూడా మంచి టాక్ వచ్చింది కానీ… బాక్సాఫీస్ వద్ద నిలబడలేదు.తర్వాత అదే కథని చిరంజీవి (Chiranjeevi) ‘గాడ్ ఫాదర్’ గా (Godfather) రీమేక్ చేయించారు. అది కూడా బాగానే ఆడింది. అయితే ‘లూసిఫర్’ సీక్వెల్ గా రూపొందిన ‘ఎల్ 2 – ఎంపురాన్’ (L2: Empuraan) ను మాత్రం పాన్ ఇండియా వైడ్ రిలీజ్ చేస్తున్నారు. మార్చి 27న ఈ సినిమా ప్రేక్షకుల ముందుకు వచ్చింది.
పృథ్వీరాజ్ సుకుమారన్ (Prithviraj Sukumaran) దర్శకత్వం వహించిన ఈ సినిమాని తెలుగులో దిల్ రాజు (Dil Raju) రిలీజ్ చేశారు. దీంతో ఎక్కువ థియేటర్లు దక్కాయి. కానీ మొదటి రోజు ఈ సినిమా ఆశించిన స్థాయిలో కలెక్ట్ చేయలేదు అనే చెప్పాలి. రెండో రోజు, మూడో రోజు కూడా అంతే. ఒకసారి 3 డేస్ కలెక్షన్స్ ని గమనిస్తే :
నైజాం | 0.57 కోట్లు |
సీడెడ్ | 0.15 కోట్లు |
ఆంధ్ర(టోటల్) | 0.37 కోట్లు |
ఏపీ + తెలంగాణ(టోటల్) | 1.09 కోట్లు |
రెస్ట్ ఆఫ్ ఇండియా + ఓవర్సీస్ (తెలుగు వెర్షన్) |
0.13 కోట్లు |
వరల్డ్ వైడ్ (టోటల్) | 1.22 కోట్లు(షేర్) |
‘ఎల్ 2 – ఎంపురాన్’ (L2 Empuraan) సినిమాకు రూ.5.3 కోట్లు థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.5.6 కోట్ల షేర్ ను రాబట్టాల్సి ఉంది. 3 రోజుల్లో ఈ సినిమా కేవలం రూ.1.22 కోట్ల షేర్ ను రాబట్టింది. బ్రేక్ ఈవెన్ కోసం ఇంకో రూ.4.38 కోట్ల షేర్ ను రాబట్టాలి. గ్రాస్ పరంగా కేవలం రూ.1.95 కోట్లు మాత్రమే కలెక్ట్ చేసింది.