‘అందాల రాక్షసి’ సినిమాతో టాలీవుడ్ లో ఎంట్రీ ఇచ్చిన నటి లావణ్య త్రిపాఠి మొదటి సినిమాతోనే ఆకట్టుకుంది. అందం, అభినయం, నటన అన్ని కలిసి ఉన్నప్పటికీ.. అదృష్టం కలిసిరాక టాలీవుడ్ ఇండస్ట్రీలో స్టార్ హీరోయిన్ గా ఎదగలేకపోయింది. ప్రస్తుతం అరకొర అవకాశాలతో ఇండస్ట్రీలో రాణిస్తోంది. ఈ బ్యూటీ ఎప్పటికప్పుడు సోషల్ మీడియాలో యాక్టివ్ గా ఉంటూ తనకు సంబంధించిన విషయాలను అభిమానులతో పంచుకుంటూ ఉంటుంది. ఆమెకు సమయం దొరికినప్పుడల్లా వారితో మాట్లాడుతూ..
అడిగే ప్రశ్నలకు సమాధానాలు చెబుతూ ఉంటుంది. తాజాగా మరోసారి సోషల్ మీడియాలో అభిమానులతో చాట్ చేసింది. ఈ క్రమంలో వారు అడిగిన ప్రశ్నలకు నిర్లక్ష్యంగా, ఆవేశంగా సమాధానాలు చెప్పడం షాకిస్తుంది. ఇక పెళ్లి టాపిక్ తీసుకొచ్చిన వారిపై ఓ రేంజ్ లో ఫైర్ అయింది. లావణ్య చేతికి ఉన్న ఉంగరం చూసిన ఓ నెటిజన్ ”అది నిశ్చితార్ధపు ఉంగరమా..?’ అని ప్రశ్నించాడు. దానికి లావణ్య త్రిపాఠి.. ”అమ్మాయిలు ఉంగరాలు పెట్టుకోకూడదా..?
చేతికి ఉంగరం ఉంటే అది ఎంగేజ్మెంట్ రింగ్ అవుతుందా..? అది నా సొంత డ‌బ్బుల‌తో కొనుక్కున్న ఉంగరం. నాకు నేనిచ్చుకున్న గిఫ్ట్..” అంటూ రివర్స్ లో సమాధానమిచ్చింది. ఇక మరో నెటిజన్ ఎప్పుడు పెళ్లి చేసుకుంటున్నావు అక్క..? అని ప్రశ్నించాడు. ఈ ప్రశ్నకి లావణ్య ఫ్ర‌స్ట్రేష‌న్‌ మరింత ఎక్కువై.. ”ఈ ప్ర‌శ్న మా అమ్మానాన్న‌లే ఇంకా అడ‌గ‌లేదు. నీకెందుకు..?” అంటూ ఘాటుగా బదులిచ్చింది.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
