‘సరైనోడు’కి కత్తెర!

అల్లు అర్జున్, బోయపాటి శ్రీను కాంబినేషన్ లో తెరకెక్కుతోన్న చిత్రం ‘సరైనోడు’. ఈ సినిమా ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటోంది. ఏప్రిల్ 22న సినిమాను రిలీజ్ చేయడానికి ప్లాన్ చేస్తున్నారు. అయితే ఈ సినిమాపై నిర్మాత అల్లు అరవింది ప్రత్యేక శ్రద్ధ పెట్టినట్లు తెలుస్తోంది. ఈ సినిమా మొదటి భాగాన్ని చూసిన ఆయన సంతృప్తి చెందారు కానీ రెండో భాగం అంతగా అల్లు అరవింద్ ను మెప్పించలేకపోయింది. సెకండ్ హాఫ్ లో ల్యాగ్ ఎక్కువైందని అనవసరమైన సీన్స్ ను కత్తిరించాలని అల్లు అరవింద్ ఎడిటింగ్ రూం లో కూర్చుంటున్నాడట. ఈ విషయంలో దర్శకుడు బోయపాటి శ్రీను సహాయం తీసుకుంటున్నాడు. నిర్మాతగా ఇండస్ట్రీలో ఎంతో అనుభవం ఉన్న అల్లు అరవింద్ సినిమా ప్రేక్షకులకు కనెక్ట్ అయ్యే విధంగా ఉండాలని ఈ నిర్ణయం తీసుకున్నట్లు తెలుస్తోంది!