Lenin : లెనిన్ నుంచి క్రేజీ అప్డేట్.. అక్కినేని అభిమానుల్లో మొదలైన టెన్షన్ !

టాలీవుడ్‌లో అవకాశాలు ఒక్కసారిగా జీవితాన్ని మార్చేస్తాయి, అలాగే ఒక ఫ్లాప్ కూడా కెరీర్‌ను వెనక్కి నెట్టేస్తుంది. ప్రస్తుతం ఈ రెండు పరిస్థితుల మధ్య నిలిచిన హీరోల్లో అఖిల్ అక్కినేని ఒకరు. స్టార్ ఫ్యామిలీ బ్యాక్‌గ్రౌండ్ ఉన్నప్పటికీ, తనకు తానుగా బలమైన హిట్ సాధించాలనే కసితో ముందుకు సాగుతున్నాడు.

Lenin

‘మోస్ట్ ఎలిజిబుల్ బ్యాచిలర్’ కొంత ఊరటనిచ్చినా, ‘ఏజెంట్’ మాత్రం భారీ నిరాశగా మారింది. ఆ సినిమా ఫలితం అఖిల్‌పై తీవ్ర ప్రభావం చూపింది. అయితే ఆ ఫెయిల్యూర్‌ను పక్కనబెట్టి, కొత్త ఉత్సాహంతో ‘లెనిన్’ అనే ప్రాజెక్ట్‌ను ప్రారంభించడం విశేషం. దర్శకుడు మురళీ కృష్ణ అబ్బూరి తెరకెక్కిస్తున్న ఈ సినిమా రాయలసీమ నేపథ్యంలో సాగే మాస్ స్టోరీగా రూపొందుతోంది.

ఇండస్ట్రీలో వినిపిస్తున్న టాక్ ఏమిటంటే.. అఖిల్‌కు అక్కినేని బ్రాండ్ లేకపోతే, ఇలాంటి భారీ ప్రాజెక్ట్ అవకాశమొచ్చేదా? అనే ప్రశ్న. అయినా సరే, తన ఇమేజ్‌ను మార్చుకుని మాస్ క్యారెక్టర్‌లో కనిపించేందుకు అతడు తీసుకున్న నిర్ణయం ఆసక్తికరంగా మారింది.
ఈ సినిమా ప్రయాణంలో కొన్ని మార్పులు కూడా చోటుచేసుకున్నాయి. మొదట హీరోయిన్‌గా అనుకున్న శ్రీలీల తప్పుకోవడంతో, ఆమె స్థానంలో భాగ్యశ్రీ బోర్సే ఎంపికయ్యింది. ఈ మార్పు సినిమాపై ఎలాంటి ప్రభావం చూపుతుందో చూడాలి.

ఇటీవల విడుదలైన ‘వారేవా’ పాటకు మంచి స్పందన రావడంతో సినిమాపై మళ్లీ పాజిటివ్ బజ్ మొదలైంది. ఇక రెండో సాంగ్ ‘ఎట్టా ఎట్టా’ రేపు ఏప్రిల్ 16న విడుదలకు సిద్ధమవుతుండటంతో ఫ్యాన్స్‌లో ఉత్సాహం పెరిగింది. మొదట మేలో రావాల్సిన ఈ చిత్రం, రామ్ చరణ్ ‘పెద్ది’ పోటీని దృష్టిలో పెట్టుకుని జూన్ 26కి వాయిదా పడింది. ఆ రోజు అఖిల్ కెరీర్‌కు కీలకంగా మారబోతోంది. ఎందుకంటే ఈ సినిమా అతనికి బిగ్ బ్రేక్ ఇస్తుందా? లేక మరోసారి నిరాశపరుస్తుందా? అన్నది ఇప్పుడు అక్కినేని అభిమానుల్లో ఆసక్తికరంగా మారింది.

Little Hearts Mouli : లిటిల్ హార్ట్స్ మౌళి ‘దొంగ నా కొడుకు’ అంట.. ఇంతకీ మ్యాటర్ ఏంటంటే ?