Chiranjeevi: మెగాస్టార్ ఆ అక్షరానికి దూరంగా ఉండాలా?

కొరటాల శివ డైరెక్షన్ లో చిరంజీవి, చరణ్ హీరోలుగా తెరకెక్కిన ఆచార్య సినిమా ఫ్లాప్ అని మెగా అభిమానులు సైతం ఫిక్స్ అయ్యారు. సాధారణ డైరెక్టర్ సినిమా అయ్యి ఉంటే మెగా ఫ్యాన్స్ సైతం ఈ సినిమా రిజల్ట్ ను పెద్దగా పట్టించుకునే వాళ్లు కాదు. టాలెంటెడ్ డైరెక్టర్ అయిన కొరటాల శివ దర్శకత్వం వహించడంతో ఈ సినిమా ఫలితం మెగా అభిమానులను ఒకింత హర్ట్ చేసిందనే చెప్పాలి. ఆచార్యకు భారీ నష్టాలు ఖాయమని ఇప్పటికే తేలిపోయింది.

ఆచార్య బిజినెస్ విషయాలలో కొరటాల శివ కూడా జోక్యం చేసుకున్నారని ఆచార్య నష్టాల భారం ఆయనపై కూడా పడే అవకాశం అయితే ఎక్కువగా ఉందని కామెంట్లు వినిపిస్తున్నాయి. ఇదే సమయంలో మెగాస్టార్ చిరంజీవికి సంబంధించి ఒక కొత్త సెంటిమెంట్ తెరపైకి వచ్చింది. ‘ఆ’ అక్షరంతో చిరంజీవి నటించిన సినిమాలలో మెజారిటీ సినిమాలు బాక్సాఫీస్ వద్ద ఫ్లాపులుగా నిలవడం గమనార్హం. చిరంజీవి ఆరని మంటలు, ఆడవాళ్లు మీకు జోహార్లు, ఆలయ శిఖరం, ఆరాధన, ఆపద్భాందవుడు సినిమాలలో నటించగా ఈ సినిమాలలో ఏ సినిమా కూడా బాక్సాఫీస్ వద్ద బ్లాక్ బస్టర్ హిట్ గా లేదు.

చిరంజీవి హిందీలో నటించిన ఆAజ్ కా గూండారాజ్ సక్సెస్ సాధించినా ఈ సినిమా తెలుగు సినిమా కాదు కాబట్టి పరిగణనలోకి తీసుకోలేం. చిరంజీవి భవిష్యత్తులో సినిమా టైటిల్స్ కు సంబంధించి ఆ అనే అక్షరానికి దూరంగా ఉంటే మంచిదని ఫ్యాన్స్ భావిస్తున్నారు. ఆ అనే అక్షరం ఉన్న టైటిళ్లకు చిరంజీవితో సినిమాలు తెరకెక్కించే దర్శకులు కూడా దూరంగా ఉంటే బెటర్ అని చెప్పవచ్చు. చిరంజీవి తర్వాత సినిమా గాడ్ ఫాదర్ షూటింగ్ ఇప్పటికే పూర్తైంది.

త్వరలో ఈ సినిమా రిలీజ్ డేట్ ఫిక్స్ కానుంది. ఈ సినిమాతో చిరంజీవి ప్రేక్షకులను మెప్పిస్తారేమో చూడాల్సి ఉంది. చిరంజీవి భవిష్యత్తు సినిమాలు లిమిటెడ్ బడ్జెట్ తోనే తెరకెక్కనున్నాయని సమాచారం అందుతోంది. చిరంజీవి కొత్త ప్రాజెక్ట్ లకు కూడా గ్రీన్ సిగ్నల్ ఇచ్చారని బోగట్టా.

ఆచార్య సినిమా రివ్యూ & రేటింగ్!

Most Recommended Video

కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!