డిఫెరెంట్ గా వస్తున్న స్పైడర్ ట్రైలర్

మురుగదాస్ దర్శకత్వంలో మహేష్ బాబు నటిస్తున్న స్పైడర్ మూవీ షూటింగ్ రేపటితో పూర్తి కానుంది. అనంతరం పోస్ట్ ప్రొడక్షన్ పై డైరక్టర్ దృష్టి పెట్టనున్నారు. ముఖ్యంగా ట్రైలర్ కోసం మురుగదాస్ బృందం శ్రమిస్తున్నట్లు తెలిసింది. ఆగస్టు 9 న మహేష్ బాబు పుట్టినరోజు సందర్భంగా రిలీజ్ చేయనున్నారు. ఈ ట్రైలర్ గురించి ఆసక్తికర విషయం బయటికి వచ్చింది. 167 షాట్స్ తో రూపుదిద్దుకోనున్న ఈ వీడియోలో కేవలం రెండు డైలాగ్స్ మాత్రమే ఉంటాయని సమాచారం. రేసింగ్ స్పీడ్ తో, విజువల్ వండర్ గా ట్రైలర్ ఉండబోతున్నట్లు టాక్.

ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న ఈ సినిమాలో మహేష్ ఇంటెలిజన్స్ ఆఫీసర్ గా కనిపించనున్నారు. ఫిట్ బ్యూటీ రకుల్ ప్రీత్ సింగ్ హీరోయిన్ గా,  ఎస్.జె.సూర్య విలన్ గా నటిస్తున్న ఈ చిత్రానికి హరీష్ జయరాజ్ సరికొత్త ట్యూన్స్ ఇస్తున్నారు. ట్రైలర్ కి అదిరిపోయే బ్యాగ్రౌండ్ స్కోర్ ఇచ్చే పనిలో బిజీగా ఉన్నారు. తెలుగు, తమిళ భాషల్లో ఒకే సారి ట్రైలర్ రిలీజ్ చేయనున్నారు.

Also, do SUBSCRIBE to our YouTube channel to get latest Tollywood updates.