హ్యాట్రిక్ హిట్ తో దూసుకు పోతున్న కొరటాల శివ దర్శకుడిగా కంటే రచయితగా అనేక సినిమాలకు పనిచేశారు. భద్ర, మున్నా, సింహా, బృందావనం తదితర చిత్రాలకు రచన సహకారం అందించారు. తన దర్శకత్వంలో వచ్చిన మిర్చి, శ్రీమంతుడు, జనతా గ్యారేజ్ సినిమాలకు స్వయంగా కథ, మాటలు రాసుకున్నారు. ఇప్పుడు సూపర్ స్టార్ మహేష్ బాబు తో “భరత్ అను నేను” మూవీని చేయనున్నారు. వచ్చే ఏడాది నుంచి పట్టాలెక్కనున్న ఈ మూవీ కథ కొరటాల శివది కాదని తెలిసింది. గతంలో తకిట తకిట అనే సినిమాను డైరక్ట్ చేసిన యువ దర్శకుడు శ్రీహరి నాను రాసుకున్న స్టోరీ అని సమాచారం.
ఈ కథ నచ్చి కొరటాల కోటి రూపాయలు చెల్లించి కొనుక్కున్నట్లు చిత్ర పరిశ్రమ వర్గాలు వెల్లడించాయి. మూడు నెలల క్రితం తన వద్ద పది కథలున్నాయి.. తనకి ఎవరి సహాయం అవసరం లేదని మీడియాతో చెప్పిన కొరటాల ఇప్పుడు కథను కొనుగోలు చేయడం పై అందరూ ఆశ్చర్య పోతున్నారు. ఈ విషయం బయటికి రావడంతో శ్రీహరి నాను పేరును టైటిల్ కార్డు లో వేసేందుకు కొరటాల సిద్ధమయ్యారట. గొప్ప కథలను రాసే రచయితని ఈ స్టోరీ మెప్పించిందంటే తప్పకుండా సూపర్ స్టార్ మరో బ్లాక్ బస్టర్ అందుకోవడం పక్కా అని అర్ధమవుతోంది. ఆ నమ్మకంతోనే షూటింగ్ ప్రారంభం కాకముందే సెప్టెంబర్ 22 న సినిమాను రిలీజ్ చేయనున్నట్లు డైరక్టర్ ప్రకటించారు.
Also, do SUBSCRIBE to our YouTube channel to get latest Tollywood updates.
