టాలీవుడ్‌ మీడియాలో, టాలీవుడ్‌ పీఆర్‌వోల్లో లెజెండ్‌లు కొంతమంద ఉన్నారు. అలాంటివారిలో రీసెంట్‌గా కన్నుమూసిన వ్యక్తి బీఏ రాజు. స్టార్ హీరోల సినిమాల పీఆర్‌వోగా బీఏ రాజు చాలామందికి తెలుసు. సోషల్‌ మీడియా వచ్చాక… అలనాటి సమాచారం, తాజా అప్‌డేట్లతో అందరికీ తెలిసిపోయారు. ఇటీవల ఆయన అనారోగ్యంతో కన్నుమూశారు. ఇండస్ట్రీలో నటులకు తలలో నాలుకగా ఉన్న బీఏ రాజు… ఘట్టమనేని కుటుంబానికి బాగా దగ్గరివాడు. మరి అలాంటి బీఏ రాజు గురించి మహేష్ ఇటీవల మాట్లాడారు.
బీఏ రాజు పూర్తి పేరు ఏంటి అనేది చాలా తక్కువమందికి తెలుసు. అలాగే ఆయనను ఉత్తరాల రాజు అని అంటారు. ఈ విషయాన్ని మహేష్‌బాబు చెప్పారు. ‘ఆహా’లో స్ట్రీమ్‌ అవుతున్న ‘అన్‌స్టాపబుల్‌’ షోలో మహేష్ బీఏ రాజు గురించి మాట్లాడారు. అతనితో తనకున్న స్నేహం గురించి, బంధం గురించి వివరించారు. బీఏ రాజుకు తనకు బాగా సాన్నిహిత్యం ఉందని, ఆయన రీప్లేస్‌ చేసేవాళ్లెవరూ ఇప్పుడు లేరని చెప్పాడు మహేష్. ఆరు నెలల క్రితం ఆయన మమ్మల్ని విడిచిపోయారు.
సూపర్‌ స్టార్ కృష్ణకు బీఏ రాజు పెద్ద అభిమాని. ఆ రోజుల్లో కృష్ణ… తన అభిమానులకు లేఖలు రాసేవారు. ఆ లేఖలు రాయడానికి బీఏ రాజు కృష్ణ దగ్గర ఉద్యోగంలో చేరారట. అలా మహేష్‌బాబు చిన్నప్పటి నుండి బీఏ రాజు తెలుసట. కృష్ణకు సంబంధించిన అభిమానుల విషయాలు, సినిమాల ప్రచారం విషయాలు చూసుకునేవారు. అలా ఆయన కుటుంబ సభ్యుడిగా మారిపోయారు. కృష్ణ ఎక్కడికెళ్లినా బీఏ రాజు పక్కనే ఉండేవారు. మహేష్ విషయంలోనూ ఇదే జరిగింది. ఈ విషయాలన్నీ మహేష్‌బాబు చెప్పుకొచ్చారు.
మధుమేహంతో బాధపడుతూ… గుండెపోటు రావడంతో కొన్ని రోజుల క్రితం హైదరాబాద్‌లోని ఓ ఆసుపత్రిలో చేరారు బీఏ రాజు. అక్కడ చికిత్స పొందుతూ తుదిశ్వాస విడిచారు. 1500కు పైగా సినిమాలకు పీఆర్‌వోగా చేశారు. అతని భార్య బి.జయ దర్శకత్వం వహించిన సినిమాలకు నిర్మాతగా వ్యవహరించారు. చాన్నాళ్లపాటు ‘సూపర్‌హిట్‌’ అనే సినీ పత్రికను నడిపారు.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
