సూపర్ స్టార్ మహేష్ బాబు మరియు త్రివిక్రమ్ శ్రీనివాస్ కాంబినేషన్ లో తెరకెక్కుతున్న ‘గుంటూరు కారం’ చిత్రం కోసం అభిమానులు ఎంతలా ఎదురు చూస్తున్నారో ప్రత్యేకించి చెప్పనక్కర్లేదు. ‘అతడు’ మరియు ‘ఖలేజా’ వంటి ఆల్ టైం క్లాసిక్ చిత్రాల తర్వాత ఆ కాంబినేషన్ నుండి రాబోతున్న మూడవ చిత్రం ఇది. ఈ చిత్రం షూటింగ్ జెట్ స్పీడ్ లో జరుగుతుంది. ఎట్టి పరిస్థితిలోను సంక్రాంతి కానుకగా జనవరి 12 వ తేదీన విడుదల చెయ్యడానికి సన్నాహాలు చేస్తున్నారు.
ఈ విషయాన్నీ అధికారికంగా ప్రకటించారు కూడా. షూటింగ్ నవంబర్ నెలాఖరు లోపు పూర్తి అయ్యేందుకు రెండు మూడు యూనిట్స్ గా డివైడ్ అయ్యి పని చేస్తుందట మూవీ టీం. ఇప్పటికే ఈ సినిమా నుండి ఒక టీజర్ విడుదల అవ్వగా, దానికి ఫ్యాన్స్ మరియు ఆడియన్స్ నుండి అద్భుతమైన రెస్పాన్స్ వచ్చింది. ఇకపోతే ఈ చిత్రం గురించి ఒక ఆసక్తికరమైన విషయం సోషల్ మీడియా లో లీకై తెగ వైరల్ గా మారింది.
అదేమిటంటే ఈ చిత్రం లోని ఫ్లాష్ బ్యాక్ సన్నివేశం అభిమానులకు ఎమోషనల్ గా బాగా కనెక్ట్ అవుతుందట. ఈ సన్నివేశం లో మహేష్ బాబు కాస్త ముసలాయన లాగ కనిపిస్తాడట. అంటే ఆయన తండ్రి పాత్ర కూడా మహేష్ బాబే పోషిస్తున్నాడు అన్నమాట. ఇలా ఆయన కెరీర్ లో గతం లో ఎప్పుడూ ఇలా చెయ్యలేదు. నాని మూవీ క్లైమాక్స్ సన్నివేశం లో రెండు నిమిషాల పాటు పెద్దోడి గెటప్ లో కనిపిస్తాడు కానీ, ఇలా ఒక కమర్షియల్ సినిమాలో ఎప్పుడూ చెయ్యలేదు.
కాబట్టి ఆ సన్నివేశాలను అభిమానులు ఎలా తీసుకుంటారో చూడాలి. ఈ సినిమాలో హీరోయిన్ గా శ్రీలీల నటిస్తుండగా, సెకండ్ హీరోయిన్ గా మీనాక్షి చౌదరి నటించింది. తమన్ స్వరపర్చిన మొదటి లిరికల్ వీడియో సాంగ్ ని దసరా కానుకగా రేపు విడుదల చేద్దాం అనుకున్నారు, కానీ కొన్ని అనివార్య కారణాల వల్ల విడుదల అవ్వడం లేదట.
భగవంత్ కేసరి సినిమా రివ్యూ & రేటింగ్!
లియో సినిమా రివ్యూ & రేటింగ్!
టైగర్ నాగేశ్వరరావు సినిమా రివ్యూ & రేటింగ్!
Home