నాచురల్ స్టార్ నాని దసరా సినిమా తర్వాత హాయ్ నాన్న సినిమా ద్వారా ప్రేక్షకుల ముందుకు రావడానికి సిద్ధమవుతున్నారు. నాని, మృణాల్ ఠాకూర్ జంటగా ప్రేక్షకుల ముందుకు రాబోతున్నటువంటి ఈ సినిమా నుంచి తాజాగా గాజు బొమ్మ అనే సాంగ్ విడుదల చేసిన సంగతి తెలిసిందే. ఈ పాట భారీ స్థాయిలో వ్యూస్ అందుకొని ప్రతి ఒక్కరిని ఎంతగానో ఆకట్టుకుంటుంది. ఇక గాజు బొమ్మ పాట ప్రతితండ్రి కూతురికి మధ్య ఉన్నటువంటి ప్రేమను ఎంతో అద్భుతంగా తెలియజేస్తుంది.
ఈ పాట విడుదలైన తర్వాత ఈ సినిమాపై భారీ స్థాయిలో అంచనాలు పెరిగిపోవడమే కాకుండా ఈ సినిమా నాని కెరియర్ లోనే ఒక స్పెషల్ సినిమాగా ఉండబోతుందని తెలుస్తోంది. ఇక ఈ పాటపై తాజాగా సూపర్ స్టార్ మహేష్ బాబు స్పందిస్తూ తన అభిప్రాయాన్ని తెలియజేశారు. ఈ సందర్భంగా మహేష్ బాబు గాజు బొమ్మ పాట గురించి సోషల్ మీడియా వేదికగా స్పందిస్తూ.. తండ్రి కూతురు మధ్య ఉన్నటువంటి ప్రేమను ఈ పాటలో చాలా అద్భుతంగా చూపించారని ఈయన తెలియజేశారు.
ఈ పాట ప్రతి ఒక్క తండ్రి గుండెల్లో ప్రతిధ్వనిస్తోందంటూ ఈయన ఈ పాటపై ప్రశంసలు కురిపించడమే కాకుండా హాయ్ నాన్న చిత్ర బృందానికి ఆల్ ద బెస్ట్ కూడా తెలియజేశారు. ప్రస్తుతం మహేష్ బాబు చేసినటువంటి ఈ కామెంట్స్ సోషల్ మీడియాలో వైరల్ గా మారింది.. ఇక మహేష్ బాబుకి కూడా తన కుమార్తె సితార అంటే ఎంత ప్రేమనో మనకు తెలిసిందే.
ఈ క్రమంలోనే ఈ పాట (Mahesh Babu) మహేష్ బాబుని కూడా ఎంతగానో ఆకట్టుకోవడంతోనే ఇలా ఈ పాట గురించి స్పందించారని స్పష్టంగా అర్థం అవుతుంది. ఇక మహేష్ బాబు సినిమాల విషయానికి వస్తే ఈయన త్రివిక్రమ్ శ్రీనివాస్ దర్శకత్వంలో తెరకెక్కుతున్న గుంటూరు కారం సినిమా షూటింగ్ పనులలో బిజీగా ఉన్నారు ఈ సినిమా వచ్చే ఏడాది సంక్రాంతి పండుగ సందర్భంగా జనవరి 12వ తేదీ విడుదలకు సిద్ధమవుతుంది.
మ్యాడ్ సినిమా రివ్యూ & రేటింగ్!
ది గ్రేట్ ఇండియన్ సూసైడ్ సినిమా రివ్యూ & రేటింగ్!
మామా మశ్చీంద్ర సినిమా రివ్యూ & రేటింగ్!
