మహేష్ బాబు, ఎన్టీఆర్.. ఇద్దరు కూడా టాలీవుడ్ స్టార్ హీరోలే..! వీళ్ళిద్దరికీ ఫ్యాన్ ఫాలోయింగ్ కూడా ఎక్కువే..! ఒకరిని మించి ఒకరు అన్నట్టు.. పోటీగా సినిమాలు చేస్తుంటారు మహేష్, ఎన్టీఆర్ లు.! వీళ్ళిద్దరి సినిమాలు ఒకే టైం లో విడుదలవుతున్నాయి అంటే చాలు.. వాటి మధ్య పోటీ ఎలా ఉన్నా, అభిమానుల మధ్య మాత్రం మాటల యుద్ధం పెద్ద ఎత్తున జరుగుతుంటుంది. అయితే సినిమాల పరంగా మహేష్, ఎన్టీఆర్ ల మధ్య పోటీ ఉన్నప్పటికీ.. నిజ జీవితంలో వీళ్ళిద్దరూ చాలా మంచి స్నేహితులు.
మహేష్ ను ఎన్టీఆర్ అన్నా అని పిలుస్తుంటారు. వీళ్ళిద్దరి మధ్య అనుబంధం ఎలా ఉంటుందో మనం ‘భరత్ అనే నేను’ సినిమా ప్రీ రిలీజ్ వేడుకలో చూసాం. అయితే గతంలో కూడా ఎన్టీఆర్ నటించిన ‘ఆది’ సినిమా ఆడియో రిలీజ్ వేడుకకు మహేష్ బాబు ముఖ్య అతిథిగా హాజరయ్యారు. ఆ విషయాన్ని కూడా మహేష్ బాబు చెప్పుకొచ్చిన సంగతి తెలిసిందే. ఇదిలా ఉండగా.. ఈరోజు ఎన్టీఆర్ పుట్టినరోజు కావడంతో మహేష్ బాబు, ఎన్టీఆర్ ల పాత ఫోటోలు వైరల్ అవుతున్నాయి.
ఇవి ‘ఆది’ మూవీ ఆడియో రిలీజ్ ఫంక్షన్ కు సంబంధించినవే..! ఈ ఫోటోల్లో ఎన్టీఆర్ బొద్దుగా ఉండడాన్ని మనం గమనించవచ్చు. అలాగే మహేష్ బాబు కూడా చాలా తక్కువ హెయిర్ తో కనిపిస్తున్నాడు. ‘పోకిరి’ తర్వాత మహేష్, ‘యమదొంగ’ తరువాత ఎన్టీఆర్.. పూర్తిగా కొత్త లుక్ లోకి మారారు. ‘మొత్తానికి 2002 లో అయితే మహేష్, ఎన్టీఆర్ లు ఈ విధంగా ఉండేవారన్న మాట’ అంటూ కొంతమంది నెటిజన్లు కామెంట్స్ చేస్తున్నారు.
1
2
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
Home