Mahesh Babu, Pawan Kalyan: మహేష్, పవన్ మధ్య పోటీకి చెక్?

July 27, 2021 / 10:50 PM ISTByFilmy Focus

Join Us

Mahesh Babu, Pawan Kalyan: మహేష్, పవన్ మధ్య పోటీకి చెక్?

స్టార్ డైరెక్టర్ త్రివిక్రమ్ శ్రీనివాస్ పవన్ కళ్యాణ్ హీరోగా తెరకెక్కుతున్న అయ్యప్పనుమ్ కోషియమ్ మూవీ రీమేక్ పనులతో బిజీగా ఉన్న సంగతి తెలిసిందే. మహేష్ త్రివిక్రమ్ మూవీ షూటింగ్ పనులు ఎప్పుడు మొదలవుతాయో తెలియాల్సి ఉంది. వచ్చే ఏడాది సంక్రాంతి పండుగకు పవన్ నటించిన అయ్యప్పనుమ్ కోషియమ్ రీమేక్ తో పాటు మహేష్ హీరోగా తెరకెక్కుతున్న సర్కారు వారి పాట సినిమాలు రిలీజ్ కానున్నాయి. గతేడాది మహేష్ బాబు నటిస్తున్న సరిలేరు నీకెవ్వరు, అల్లు అర్జున్ అల వైకుంఠపురములో సినిమాలు పోటీ పడగా రెండు సినిమాలు సక్సెస్ సాధించాయి.

మహేష్ బాబుకు వచ్చే ఏడాది కూడా మెగా హీరోతో పోటీ తప్పడం లేదు. అయితే పవన్, మహేష్ లకు త్రివిక్రమ్ సన్నిహితుడు కావడంతో రెండు సినిమాలకు ఒక వారం గ్యాప్ ఉండే విధంగా సెట్ చేశారు. ఇలా చేయడం వల్ల ఒక సినిమా కలెక్షన్లపై మరో సినిమా ప్రభావం పడే అవకాశాలు ఉండవు. ఇద్దరు పెద్ద హీరోల సినిమాలు రిలీజవుతున్నప్పటికీ ఈ హీరోలకు సంక్రాంతికి మరో రెండు సినిమాలతో పోటీ తప్పకపోవచ్చని తెలుస్తోంది.

Trivikram Interview Still

అయ్యప్పనుమ్ కోషియమ్ రీమేక్, సర్కారు వారి పాట సినిమాలకు థమన్ సంగీత దర్శకుడు కావడం గమనార్హం. అయ్యప్పనుమ్ కోషియమ్ మూవీ మేకింగ్ వీడియో తాజాగా విడుదలై ప్రేక్షకులను ఆకట్టుకుంది. ఆగష్టు 9వ తేదీన సర్కారు వారి పాట ఫస్ట్ లుక్ రిలీజ్ కానుందని ప్రచారం జరుగుతుండగా ఆ ప్రచారంలో నిజానిజాలు తెలియాల్సి ఉంది.