రాజమౌళి – మహేష్‌బాబు సినిమా.. ఇది ఇప్పటి చర్చ కాదు. సుమారు పదేళ్ల క్రితమే ఈ సినిమా గురించి మాటలు వినిపించాయి. అంటే రాజమౌళి ‘బాహుబలి’ సినిమాలు చేయకముందే. ఆ సినిమా గురించి రాజమౌళి, మహేష్‌కు నిర్మాత కె.ఎల్‌.నారాయణ అప్పుడే అడ్వాన్స్‌ ఇచ్చారు. అయితే జక్కన్న, మహేష్ ఇతర సినిమాలతో బిజీ అయిపోవడంతో ఈ సినిమా ముందుకెళ్లలేదు. అయితే ఇప్పుడు త్రివిక్రమ్ సినిమా తర్వాత రాజమౌళి సినిమా ఉంటుందనే వార్తలొస్తున్నాయి. తాజాగా మరో కొత్త వార్త వచ్చింది. దాని ప్రకారం చూస్తే.. త్రివిక్రమ్ – రాజమౌళి మధ్యలో మరొకరు వస్తారు.
ప్రస్తుతం మహేష్‌బాబు – త్రివిక్రమ్ సినిమా సెట్స్‌ మీద ఉంది. చాలా రోజులు వాయిదా పడుతూ, పడుతూ ఇటీవల సినిమా మొదలైంది. ఇక విరామం లేకుండా వరుస చిత్రీకరణలు జరుగుతాయి అని చెబుతున్నారు. ఆ లెక్కన ఆరు నెలల్లో సినిమా మొదలవ్వొచ్చు అని టాక్‌. ఆ తర్వాత కొన్ని రోజులు సమయంలో సినిమాను విడుదలకు చేస్తారు. ప్లానింగ్‌లో మార్పులొస్తే ఈ ఏడాది ఆఖరు సినిమా రెడీ అవుతుంది. దీంతో ఈ సినిమా పూర్తయ్యేసరికి రాజమౌళి సినిమా షూటింగ్‌కి రెడీ అవుతుంది అని అంటున్నారు.
అయితే ముందుగా అనుకున్నట్లు 2024 ప్రథమార్ధంలో రాజమౌళి సినిమా మొదలయ్యే పరిస్థితులు లేవంటున్నారు. ‘ఆర్‌ఆర్ఆర్‌’ – ఆస్కార్‌ పనుల మీద రాజమౌళి విదేశాల్లోనే ఉన్నారు. ఆయన వచ్చాక కానీ.. సినిమా గురించి ఆలోచించి పరిస్థితి లేదు. దీంతో వెంటనే సినిమా మొదలవ్వదు అని టాక్‌. దీంతో త్రివిక్రమ్ సినిమా అయ్యాక మరో సినిమా చేసి.. ఆ తర్వాత రాజమౌళి సినిమాకు వెళ్లాలని మహేష్ అనుకుంటున్నారట. ఈ మేరకు కథలు వింటున్నారని టాక్‌ నడుస్తోంది.
రాజమౌళితో సినిమా అంటే కనీసం మూడు, నాలుగేళ్లు బిజీ. ప్రీ పొడ్రక్షన్‌, షూటింగ్‌, విజువల్‌ ఎఫెక్ట్స్‌, సెట్స్‌, పోస్ట్‌ ప్రొడక్షన్‌, ప్రచారాలు.. ఇలా పెద్ద ప్రాసెస్‌ ఉంటుంది. దీంతో కనీసం మూడు, నాలుగేళ్లు పక్కా అంటున్నారు. అన్నీ అనుకున్నట్లు జరగకపోతే ఐదారేళ్లు పడుతుందనే భయమూ ఉంది. దీంతో ఈ లోపు మరో సినిమా చేసేస్తే ఫ్యాన్స్‌ హ్యాపీ అని మహేష్ టీమ్ ప్లాన్‌ అట. మరి ఈ వార్త నిజమై మహేష్ ఇంకో సినిమాకు ఓకే అంటే.. ఆ దర్శకుడు ఎవరు అనేది చూడాలి.
వీరసింహారెడ్డి సినిమా రివ్యూ & రేటింగ్!
వాల్తేరు వీరయ్య సినిమా రివ్యూ & రేటింగ్!
‘ఆంధ్రావాలా’ టు ‘అజ్ఞాతవాసి’ .. సంక్రాంతి సీజన్లో మర్చిపోలేని డిజాస్టర్ గా సినిమాల లిస్ట్..!
తలా Vs దళపతి : తగ్గేదేలే సినిమా యుద్ధం – ఎవరిది పై చేయి?
Home