శ్రీనువైట్ల రిక్వెస్ట్ ని తిరస్కరించిన మహేష్ బాబు!

సూపర్ స్టార్ మహేష్ బాబు సినీ కెరీర్ లో దూకుడు కి ప్రత్యేక స్థానం ఉంది. శ్రీను వైట్ల దర్శకత్వంలో తెరకెక్కిన ఈ చిత్రం సంచలన విజయం సాధించింది. అందుకే శ్రీనువైట్ల కోరగానే మళ్ళీ డేట్స్ ఇచ్చారు. అతనితో కలిసి ఆగడు మూవీ చేశారు. ఇది మహేష్ కెరీర్ లో మచ్చని మిగిల్చింది. అపజయాన్ని అందించింది. దీంతో ఈ కాంబినేషన్లో సినిమా రావడం కష్టమని అందరికీ అప్పుడే తెలిసిపోయింది. శ్రీను వైట్ల ఆగడు అపజయాన్ని మర్చిపోయేలా హిట్ ఇచ్చి తనను తాను నిరూపించుకోవాలని తపిస్తున్నారు. “బ్రూస్‌లీ”, “మిస్ట‌ర్‌” సినిమాలు తీశారు.

ఇవి వచ్చినట్టే వచ్చి అంతేవేగంగా వెనక్కి పోయాయి. దీంతో మరింత కసితో శ్రీనువైట్ల ప్ర‌స్తుతం మాస్ మ‌హారాజ్ ర‌వితేజ‌తో “అమ‌ర్ అక్బ‌ర్ అంటోని” సినిమా చేస్తున్నారు.   మైత్రీ మూవీ మేకర్స్ నిర్మిస్తున్న ఈ సినిమాలో ఇలియానా హీరోయిన్‌గా న‌టిస్తోంది. ఈ సినిమా షూటింగ్ వేగంగా సాగుతోంది. ఇందుకోసం మ‌హేష్‌ను శ్రీనువైట్ల ఓ సహాయం కోరారు. ఈ సినిమాలో కీల‌క‌మైన చైల్డ్ ఎపిసోడ్‌లో మ‌హేష్ కుమారుడు గౌత‌మ్‌ను నటింపచేయించేందుకు అడిగారు. అందుకు మ‌హేష్ అంగీక‌రించ‌లేద‌ని స‌మాచారం. గౌత‌మ్ స్టడీ పై ద్రుష్టి పెట్టారని, అతన్ని డిస్ట్రబ్ చేయడం ఇష్టంలేదని చేపినట్లు తెలిసింది. దీంతో శ్రీను వైట్ల మంచి చైల్డ్ ఆర్టిస్ట్ కోసం వెతుకున్నారు. ఈ మూవీ దసరాకి థియేటర్లోకి రానుంది.